‘Hindi ko alam kung bakit sa kaniya pa ako nagkagusto. Sa dinami-rami ng babaeng maaari kong mahalin bakit ang inaanak ko pa? Isa akong senador, kilala at iginagalang ng lahat. Ngunit, bakit hindi ko kayang panindigan iyon?’
Muli niyang tinungga at nilagok ang mapait at manamis-namis na alak. Ang init nito’y dumaloy sa kaniyang lalamunan na tila nakauuhaw pang lalo. He was so upset, at ang tanging masarap na inumin lamang ang nagpapagaan ng kaniyang kalooban sa tuwing iyon ang natitikman.
Pinunasan niya ang namamasang bibig mula sa alak.
“Francesca, Francesca..” banggit niya sa pangalan ng inaanak. “Bakit ikaw pa? Ano bang meron sa ‘yo na wala sa iba? Tama sila, mapili nga ako. Pero, kasalanan ko ba kung pihikan ito?” Turo niya sa kaniyang dibdib.
Halos kantahin na niya ang mga katagang iyon. Nalulunod na siya sa kapangyarihan ng alak. Muli siyang tumungga nang tumungga hanggang sa makarami.
‘Walang kwentang kontrata.. Ang terminong sa susunod pang taon sana matatapos ay mas napaa
