HINDI NILINGON NI Bethany ang kanyang ama kahit nakita niyang kuryuso ang mga mata nitong nakatingin sa kanya sa gilid ng kanyang mata. Dire-diretso niyang tinungo ang pintuan upang buksan iyon. Gaya ng kanyang inaasahan. Tumambad sa paningin niya si Gavin. May dala rin itong basket ng prutas. Malaki ang ngiti nito na hindi man lang ikinatuwa ni Bethany kahit alam niyang pinag-effort’an. Sa halip na ppaasukin ang binata ay si Bethany ang lumabas ng pinto at inilapat ang pintuan sa likod niya.
“Anong ginagawa mo dito?”
“Para personal na makilala ang mga magulang mo.”
“Ngayon mo pa talaga naisipang gawin iyan kung kailan tapos na tayo?” binigyan siya ng hilaw na ngiti ni Bethany, ilang beses na umiling. “Hindi na kailangan, Gavin. Sinabi ko na kay Tita na break na tayo.”
Nakagat na ni Bethany ang kanyang labi nang makita ang sakit na rumehistro sa mukha ni Gavin. Akmang aalma na naman sana ang binata nang biglang sumigaw ang ama ni Bethany sa loob ng bahay.
“Thanie, sino iyan? Bakit h
