Nagpapaliwanag ang isang director patungkol sa stocks at mga risk nito. Sa totoo lang, hindi kumbinsido si Menard sa paliwanag nito. Masyadong mababa ang makukuha nilang kita sa loob ng isang taon. Ayon na rin sa kanyang pag-aaral, mas mahalaga ang panahon kung ikukumpara sa kikitain mong pera.
"You should target double the return within a year. Masyadong mababa ang one hundred fifty percent lang." Hindi siya kontento sa naririnig kaya nagbigay siya ng saloobin.
Menard is reading a text message from his phone. Nakatutok ang kanyang atensyon sa telepono.
********
"Nasaan ka na ba? Kanina pa ako narito sa tapat ng pintuan mo. Kelan ka pa darating?" Sunod-sunod ang pagpapadala ni Graciella ng mga text message kay Menard.
Kanina pa siya pabalik balik sa pasilyo. Halos ma-lowbat na rin ang kanyang cellphone sa pag-check kung nabasa na ba ni Menard ang kanyang mga mensahe.
Halos isang oras na siyang naghihintay. Nananakit na ang kanyang mga paa sa pagtayo sa harap ng unit. Hinagis niya sa isang sulok ang kanyang bag matapos kumuha ng isang balabal doon. Magpasya siyang maupo na lang sa tabi ng pinto dahil sa pagod.
Marahan niyang hinilot ang kanyang mga binti at niyakap ang kanyang tuhod.
"Siguro, tama si Rowena. Baka nabudol nga ako ni Menard," mahina niyang saad. Napabuga na lang siya ng hangin. Kinapa ang kanyang marriage certificate at tinitigan ito. Namilog ang butas ng kanyang ilong nang masilayan ang ngiti sa labi ni Menard. Pinitik niya ang mukha nito sa larawan. "Lagot ka talaga sa akin, Menard Young oras na malaman ko lang na niloloko mo lang ako."
Iniisip pa lang niyang scammer lang si Menard, nanghihina na siya. Umalis na siya sa poder ng kanyang tiyahin. Wala na siyang babalikan. Imbes na makawala sa kanyang paghihirap ay mukhang madadagdagan pa yata 'pag nagkataon.
Inaantok na talaga siya kaya yumuko na siya at hindi namalayang nakatulog na pala.
*******
Natapos din ang kanilang meeting. Sumatotal, nakapagbigay ng figures ang mga tauhan na kontento siya. Ramdam niya ang pagod lalo na nang lumapit sa kanya ang assistant na si Louie. Inabot sa kanya ang cellphone.
"May ilang miscall po kayo," saad pa ni Louie.
"At sino naman ang tatawag sa akin?" Nagtataka niyang tanong habang binubuksan ang call register ng hawak na cellphone.
"Ang nakalagay po dito ay 'cool chick'."
Napakunot ang kanyang noo dahil wala naman siyang naalala na kakilala na ganun ang pangalan. Natampal na lang niya ang kanyang noo nang maalala ang babaeng iyon lang.
Umuwi na siya sa villa na tinutuluyan at kaagad na nagbihis.
Umupo siya sa sofa at tinungga ang laman ng kopita na inabot ni Louie. In-adjust ang kurbata at nag-enjoy sa iniinom na wine.
Nadatnan siya ni Louie na nakapikit habang hawak ang kanyang kopita.
"Senyorito, pwede na po kayong matulog sa inyong silid." Inabot nito sa kanya ang damit pantulog. Hindi siya umimik.
Nasa gilid lamang si Louie at hinihintay ang hudyat ng amo. Hindi ito mapakali.
"Senyorito, wala po ba kayong nakalimutan?" tanong pa ng tauhan. "Napalitan na po ang security lock?"
Sukat sa sinabi nito napaigtad si Menard. Ang kaninang inaantok na diwa ay biglang nagising. Kinakalkal sa utak kung ano ang importanteng gagawin sa araw na iyon. Biglang sumagi sa isipan ni Menard na ngayong araw dapat lilipat sa bagong unit silang mag-asawa.
Noon lang niya napagtanto na kinasal na pala siya kahapon lang sa isang kakaibang babae, at iyon ay si Graciella Gomez.
Gusto niyang batukan ang sarili at nagmamadaling kinapa ang cellphone na nasa side table. Tiningnan niya ang dialogue box at naroon nga ang maraming chat ni Graciella sa kanya.
Alas diyes pa lang ng umaga may mga message na pala si Graciella. Anong oras na? Gusto na lang batukan ni Menard ang sarili.
Inisa-isa niyang basahin ang mga mensahe ni Graciella. Pumunta na siya sa baba at lumapit sa shoe rack.
"Tawagin mo ang driver at may pupuntahan kami," kapagkuwan na utos niya sa kasambahay na naroon. Muli niyang tinipa ang kanyang cellphone at nag-reply. "Sorry at busy lang. Hindi ko na check ang cellphone ko." Pinadala na kaagad niya ang text na iyon habang bumababa sa hagdan.
Nasa pasilyo pala ang pinsan niya na si Trent. Nagtataka ito at nagmamadali si Menard. "Saan pupunta ang Kuya Menard?" Tanong nito sa kasambahay.
"Ay, si Senyorito Menard na po ang tanungin nyo," sagot naman nito.
"Nag-asawa na ba talaga ang Kuya Menard? Kahapon kasi sinabi ni Auntie na nag-asawa na siya," patuloy pa rin niyang usisa.
"Senyorito, wala po nga akong alam." Ayaw makialam ng kasambahay sa usapin ng mga amo.
Mula sa salamin na dingding kita ni Trent ang pagsakay ng pinsan sa magara nitong luxury car. Naaawa siya kay Menard sa totoo lang. Naging padalos dalos ang pagpapakasal nito. Siguro hindi na nito nakayanan ang pressure ng Autie niya kaya gumawa na ito ng paraan para makawala sa pagkontrol ng ina.
Sa pagkakaalam niya, isang ordinaryong babae ang pinili ni Menard na pakasalan. Ngayon pa lang ay nakikita niyang mahiirapan ang asawa ng pinsan na makibagay sa kanilang pamilya lalo at medyo matapobre nga ang ina ni Menard.
Midland Heights.
Nasa palapag na si Meard kung saan sila manunuluyan mag-asawa. Hinahalukay sa isipan kung ano nga ang pangalan ng asawa. Napangiti siya nang maalala na Graciella Gomez ang pangalan nito. Ngiting napawi dahil sa bumungad na tanawin. Palapit siya sa kinaroroonan nito. Parang pinig ang puso niya sa ndatnang eksena. Kinastigo ang sarili sa paglimot sa usapan nila.
Napaigtad s Graciella sa mabining haplos sa balikat. Nananaginip siya na naglilinis ng sahig at nabuhos ang isang timbang tubig sa sahig. Nagulat siya sa sigawng tiyahin at sa nanlilisik niyang mata. Para lang masilayan ang mukha ni Menard sa pagmulat ng kanyang mata.
Pareho silang nagulat sa isa't isa. Kaya hinintay na lang ni Menard na mahimasmasan si Graciela abgo magsalita.
"Pasensya na at naghintay ka na pala dito sa lobby."
Tatayo na sana si Graciella para lang mamilog ang mata. Hindi niya maramdaman ang kanyang mga paa. Tiningnan niya si Menard na tila humihingi ng saklolo.
