Novels by Katherine Hart

“Babayaran kita ng dalawampung milyon, anakan mo lang ang asawa ko.” Para maitaguyod ang tatlo niyang anak, tinanggap ni Joshua—isang biyudong taga-probinsya, ang alok ni Rafael kahit labag ito sa kanyang kalooban. Akala niya, simpleng trabaho lang ang papasukin niya. Pero hindi niya alam na sa pagpasok niya sa marangyang tahanan ni Rafael, makikilala niya si Scarlette—ang babaeng babago sa takbo ng buhay niya. Sa mata ng iba, nasa kay Scarlett na ang lahat—may mayamang asawa, magandang buhay, at marangyang tahanan. Pero sa likod ng lahat ng iyon, isa siyang babaeng matagal nang nagdurusa sa malamig na pagsasama nila ni Rafael, isang negosyanteng desperado nang magkaroon ng anak. Magbabago ang lahat nang unti-unting mapalapit si Scarlett kay Joshua—sa lalaking akala nila ay isa lamang ordinaryong kasambahay. Habang lumalalim ang kanilang nararamdaman, mabubunyag naman ang pagtataksil ni Rafael. Guguho ang pamilyang pilit nilang binuo, at mas lalong gugulo ang lahat nang lumabas ang isang malaking lihim. Dahil si Joshua… ay hindi pala ang taong inaakala ng lahat.

Sa loob ng tatlong taon ng kanilang pagsasama, hindi kailanman inakala ni Stacey na ang lalaking minahal niya ay hihiling ng hiwalayan. Wala siyang nagawa kundi tanggapin ito, dahil alam niyang kailanman ay hindi siya naging laman ng puso ni Franco. Ngunit sa araw ng kanilang paghihiwalay, natuklasan ng lalaki ang lihim na matagal niyang itinago—ang sanggol na dinadala niya sa kanyang sinapupunan. Subalit huli na ang lahat. Pagkalipas ng apat na taon, muling pinagtagpo ng tadhana ang kanilang mga landas. Ngunit ang dating babaeng iniwan niya ay isa nang kilalang eksperto sa sinaunang perlas, hinahangaan at kinikilala sa buong mundo. At ang dating malamig at makapangyarihang si Franco? Nakaluhod ito sa kanyang harapan, handang isantabi ang lahat para lamang makahingi ng isa pang pagkakataon. Ngunit paano mo muling mamahalin ang taong unang sumira sa iyong puso?

Tatlong taon. Tatlong taon ng pagmamahal, pangako, at isang kasal na akala ni Kate Herrera ay mananatili habang-buhay. Para sa kanya, si Richard Tolentino na ang perpektong asawa—mapagmahal, maalaga, at tila walang ibang babae sa mundo kundi siya. Kaya nang makatanggap siya ng mensahe mula sa isang misteryosong numero na nagsasabing niloloko siya ng kanyang asawa, hindi siya naniwala. Hanggang sa makita niya mismo ang katotohanan. Ang asawang minamahal niya ay nakikipaghalikan sa ibang babae. At ang mas masakit? Ang babaeng iyon ay ang kanyang matalik na kaibigan na si Cristina Mendoza. Sa isang iglap, gumuho ang mundong pinaniwalaan niyang ligtas. Pero hindi pa tapos ang lahat. Dahil sa likod ng pagtataksil ay may mga lihim na mas malalim kaysa sa isang simpleng pagtataksil. May mga ari-ariang palihim na nailipat, mga ebidensiyang unti-unting lumilitaw, at isang misteryosong taong tila alam ang bawat sikreto ni Richard. Sino ang nasa likod ng mga mensahe? Bakit siya tinutulungan nito? At hanggang saan ang kaya niyang gawin para mabawi ang lahat ng kinuha sa kanya? Mula sa babaeng sinaktan at niloko… magiging babaeng hindi na kayang apihin si Kate Herrera. Dahil sa pagkakataong ito— hindi na siya lalaban para sa pag-ibig. Lalaban siya para sa sarili niya.