Nobela ni amusesaira

Akala ni Alodia Soria, simpleng pagpapakonsulta lang ang gagawin niya. Gusto lang niyang maging sigurado bago sumunod sa susunod na hakbang ng relasyon nila ng kanyang matagal nang kasintahan. Pero hindi niya inaasahan na ang doktor na pinuntahan niya ay walang iba kundi si Dr. Locar Gideon Montecillo — ang hindi niya pa nakikitang Ninong na kababalik lang sa bansa. Si Gideon ay gwapo, kalmado, at iginagalang ng lahat. Pero habang ipinapakilala niya kay Alodia ang mundo ng medisina, unti-unting lumalagpas ang kanilang ugnayan sa dapat na hangganan. Sa bawat pagkikita, mas lalong nahihirapan si Alodia na itanggi ang kaba sa kanyang dibdib… isang damdaming hindi dapat maramdaman ng isang inaanak para sa kanyang Ninong. Habang sinusubukan niyang panatilihin ang pangako sa kanyang boyfriend, natutuklasan din niya ang mga nakatagong katotohanan mula sa nakaraan. Tungkol sa yumaong kasintahan ni Gideon, isang lumang insidente, at isang lihim na nag-uugnay sa kanilang pamilya. Ngayon ay nahaharap siya sa pinakamahirap na desisyon: manatili ba sa kung ano ang alam niyang tama, o sundin ang tibok ng puso kahit na ito ay ipinagbabawal ng lahat? Dahil paano mo mapipigilan ang damdamin mo kapag ang taong hindi mo dapat mahalin… siya rin pala ang taong tunay na nakauunawa sa iyo? “Sa paningin ng iba, ninong ko lang siya at inaanak lang ako. Pero sa bawat tingin niya, alam kong higit pa roon ang nararamdaman namin. At alam kong mali, pero hindi ko na alam kung paano titigil.”