The Last Winchester  (FILIPINO)
The Last Winchester (FILIPINO)
Author: Hxnnxhssi
CHAPTER 01

"Lever, saan ka mag-aaral ng college?" tanong ni Kaycee kay Lever. 

Napatingin si Lever sa kaibigan na si Kaycee. Matagal na n'ya itong kaibigan simula ng pumasok ito ng highschool, ngayon ay pareho na silang magko-koleheyo. 

Nilipat ni Lever ang tingin sa daan, naglalakad sila pauwi na ng bahay dahil si Lever ay nautusan ng mama n'ya na bumili ng gulay para sa lulutuin nito. 

"Swonne University, kung makakapasa ako," sagot ni Lever sa tanong ng kaibigan n'ya na si Kaycee. 

"Ako rin doon," masayang saad ni Kaycee. 

Napangiti si Lever ng makitang masaya ang kaibigan n'ya. Si Lever Winchester ay matagal ng mayroong gusto kay Kaycee, hindi n'ya lang inaamin dahil baka masira ang pagka-kaibigan nilang dalawa. 

"Balita ko marami daw gwapo doon," banggit ni Kaycee na ikinawala ng ngiti ni Lever. 

Tumingin si Lever sa baba para hindi makita ni Kaycee na nawala ang ngiti nito. 

"Tapos madadagdag ka pa, wala na finish na," biro ng kaibigan n'ya. 

Wala namang reaction doon si Lever, ayaw nitong nasasabihan ng gwapo dahil baka akalain ng makakarinig ay mayabang ito. 

"Hatid na kita sa inyo," pag-iibang sabi ni Lever. 

Huminto ang dalawa sa paglalakad dahil magkaiba na sila ng daan na tatahakin, si Lever ay diretso at si Kaycee naman ay sa kanan na. 

Humarap si Kaycee kay Lever sabay iling nito. "Wag na, baka kailangan na iyan ni tita Xyra," pagtanggi n'yang sagot sa alok ni Lever. 

Tumango na lang si Lever kay Kaycee. "Inggat ka, tawagan na lang kita mamaya," saad ni Lever. 

"Napaka-gentleman naman ng kaibigan ko," masayang sabi ni Kaycee sabay gulo ng buhok ni Lever. 

Ang isa sa ayaw na ayaw ni Lever ay ang ginagalaw ng iba ang buhay n'ya dahil naglalaan ito ng ilang minuto para maayos ang buhok n'ya, pero si Kaycee kahit gulohin n'ya iyon ay walang paki-alam si Lever. 

"Wag ka mag-alala, mag-iingat ako para sayo," nakangiting sabi ni Kaycee, sabay kindat kay Lever. 

Ngiti lang ang sinagot ni Lever. Nagsimula ng maglakad si Kaycee palayo kay Lever. Hindi pa rin umaalis si Lever sa kinatatayuan n'ya at sinusundan nito ng tingin si Kaycee na naglalakad na palayo. 

Nang mawala na sa paningin ni Lever ang kaibigan na si Kaycee ay nagsimula na rin itong maglakad patungo sa bahay nila, bitbit ang binili n'yang gulay na inutos ng kan'yang mama. 

Nag-iisang anak lang si Lever, hindi nito nakilala ang Papa n'ya dahil ang kwento ng Mama Xyra n'ya ay namatay ito sa isang accident. Normal lang ang buhay ni Lever, hindi ito sobrang yaman at hindi rin naman sobrang hirap, sakto lang. 

Sa tuwing tinatanong ni Lever ang tungkol sa nangyari sa papa n'ya at kung sino ba talaga ang pagkatao ng papa n'ya ay laging iniiba ni Xyra ang topic nito. 

Pagkarating ni Lever sa tapat ng bahay nila ay mayroon itong itim na gate. Pumasok na s'ya at dumiretso papuntang kusina para iabot n'ya ang binili nitong gulay sa mama n'ya. 

"Sige, Secretary Luke, hihintayin ko lang si Lever makabalik ng bahay." 

Naabutan ni Lever si Xyra Cy, ang kan'yang nanay na mayroong kausap sa phone. Umupo ito at inilagay n'ya sa dining table ang plastic bag na hawak n'ya na mayroong lamang mga gulay. 

Abala ang Mama Xyra n'ya sa paghalo ng niluluto nito habang mayroong kausap sa phone. 

Binaba ni Xyra ang phone n'ya at pinagpatuloy ang paghalo sa niluluto nitong sinigang. 

"Sino si Secretary Luke?" takang tanong ni Lever sa Mama n'ya. 

Napalingon si Xyra sa anak n'ya dahil sa gulat. Napahawak ito sa dibdib n'ya dahil sa biglang pagsalita ng anak. 

"Ano ka ba naman, ang tahimik mo namang dumating," sita ni Xyra sa kan'yang anak na si Lever. 

Tumayo si Lever para lapitan ang mama n'ya. Nag-cross arm ito at seryosong tinignan ang mama n'ya. 

"Wag mong sabihin sa akin, Ma, na boyfriend mo 'yung Secretary Luke na iyun?" tanong ni Lever sa kan'yang Mama Xyra.. 

Bigla namang natawa si Xyra dahil sa tanong ng anak n'ya. 

"Maki-kilala mo rin s'ya pag dumating dito," paliwanag naman ni Xyra sa anak.

Kumunot ang noo ni Lever sa sinabi ng mama n'ya. "So boyfriend mo nga?" pag-uulit na tanong ni Lever. 

"Pupunta s'ya dito para kuhanin ka," sagot naman ni Lever. 

Takang tinignan ni Lever ang ina sa sinabi nito sa kan'ya. "Ano pong ibig n'yong sabihin na kukuhanin ako?" taka nitong tanong. 

"Hindi ba gusto mong makilala kung sino at ano ang pagkatao ng Papa mo?" tanong ni Xyra sa kay Lever.

Lumapit si Xyra sa anak nitong si Lever at hinawakan sa kamay. "At ang sabi ko sayo dati noong bata ka pa na masyado ka pang bata para malaman ang totoo, ngayon eighteen ka na sa tingin ko naman ay handa ka na," paliwanag ni Xyra. 

"Pero bakit ako kukuhanin?" takang tanong ni Lever.

"Dahil hindi ito ang mundo mo," sagot agad ni Xyra sa tanong ng anak. 

Alam ni Xyra na gustong-gusto na ni Lever na malaman ang tungkol kay Rifle Winchester ang kan'yang papa, pero gusto ni Xyra na handa na ito na malaman kung sino ba talaga si Rifle Winchester at sino ba talaga si Lever Winchester. Hindi mabubuo ang pagkatao ni Lever lalo na't tinatago nito ang totoong pagkatao ng papa n'ya. 

Naguguluhan ang mukha ni Lever na tumingin sa Mama n'ya. 

"Ma, paanong hindi ito ang mundo ko?" takang tanong ni Lever sa ina. 

"Pupunta ka ng Manila para doon mag-aral," sagot ni Xyra kay Lever. 

"Pero, okay na ako sa Swonne University," saad ni Lever. 

"Masmaganda doon..." 

"Pero, nandito ka," agad na putol sabi ni Lever. 

"Nandoon ang buhay mo Lever, makinig ka sa akin," paliwanag ni Xyra kay Lever. 

Hindi naman maintindihan ni Lever ang mama n'ya kung bakit gusto pa nitong s'yang papuntahin sa Manila kahit na okay naman s'ya dito. Hindi naman s'ya mapili sa school na papasukan n'ya, saka okay na rin sa kan'ya kung ano man ang nabibigay sa kan'ya ni Xyra, kaya hindi na nito kailangan pang pumunta ng Manila. 

"Ma, paanong nandoon ang buhay ko? Dito ang bahay ko at nandito ka," tugon ni Lever. 

"Hindi, iba ka sa tingin na inaakala mong ikaw," sabi pa ni Xyra.

Tumalikod ito kay Lever na hindi maintindihan ang Mama n'ya. Iniisip nito na paano s'ya naging iba, normal naman s'yang nabubuhay kasama n'ya, wala naman  itong sakit o kahit anong kakaiba sa katawan n'ya. 

"Ma, ako lang ito si Lever, wala ng iba sa akin," sabi ni Lever sa Mama n'yang nakatalikod sa kan'ya. 

"Lever Winchester," sabi ni Xyra sabay harap sa anak nito. 

Tinignan n'ya sa mata ang anak n'ya na bakas ang kaguluhan sa mukha nito. Naglakad s'ya muli sa palapit kay Lever at hinawakan nito ang pisnge n'ya. 

"Wala ka pa sa mundo, pero nakaplano na ang pag punta sa lugar kung saan ka dapat lumaki."

Lalong naguluhan si Lever sa pinagsasabi ng kan'yang Mama. 

"Ano bang mayroon doon sa Manila?" takang tanong ni Lever. 

Ngumiti si Xyra sa kan'ya. "Ito lang ang gusto kong sabihin sayo, wag kang gagawa ng kahit anong gulo na ikakapahamak mo," sabi ni Xyra. 

Hindi man lang nito sinagot ang tanong ng anak na naguguluhan sa nangyari, pero alam naman n'ya na masasagot ang lahat ng tanong ng anak n'ya pag dating ni Lever sa Manila. 

"Iayos mo na ang gamit mo dahil baka dumating na si secretary Luke," sabi ni Xyra kay Lever. 

Inayos ni Xyra ang buhok ng anak na gaya ng lagi nitong ginagawa. "Bakit ba ang gulo ng buhok mo?" tanong n'ya kay Lever. 

Si Lever naman ay pinagmamasdan pa rin ang Mama n'ya dahil sobrang wala s'yang idea sa nangyayari. 

"Sige na ayusin mo na ang gamit mo," utos ni Xyra. 

Pinatalikod n'ya si Lever na ayaw kumilos at tinulak ito ng dahan-dahan para papuntahin sa kwarto n'ya. Wala naman na gawa si Lever dahil sa utos ng kan'yang Mama. 

Pagpunta nito sa kwarto n'ya ay napansin nito ang mga mamahaling gamit na kusang mayroong dumadating sa kan'ya tuwing mayroong special na araw sa kan'ya. Hindi nito alam kung saan o kanino ito ng gagaling. 

Hindi n'ya ginagalaw ang mga gamit na iyon at nananatili kung saan iyon nakalagay. 

Umupo ito sa kama niya at iniisip pa rin ang pagpunta n'ya sa Manila. Iniisip rin niya na bakit kailangan n'yang pumunta doon. Humiga ito sa kama dahil sa gulo ng isip ni Lever. 

"Ano bang mayroon sa Manila at kay Papa?" mahina nitong tanong sa sarili n'ya.

"Secretary Luke!" 

Agad na napabangon si Lever sa pagkakahiga ng marinig n'ya ang boses ng mama n'ya. 

"Kumusta ka na?" tanong ng isa lalaki mula sa labas ng kwarto ni Lever. 

Agad itong naglakad palabas ng kwarto para makita n'ya kung sino iyon. Tumamba sa kan'ya ang isang lalaki na parang nasa forty plus na ang edad, masyadong formal ang suot nito, dahil sa tuxedo pa ito kahit sobrang init ng panahon. 

Napayuko ng kaunti si Lever ng malipat ang tingin ni secretary Luke kay Lever. Isang malaking ngiti ang binigay ni Secretary Luke kay Lever ng makita n'ya ito. 

Nagtaka naman si Lever ng lumapit si Secretary Luke sa harapan n'ya ang mag-half bow ito sa kan'ya. 

"Sir, no need na po," awat n'ya kay Luke ng mag-bow ito sa harapan n'ya. 

Napatingin si Lever sa mama n'ya na nakatingin sa kanila. Naiilang si Lever sa ginawa ni Luke dahil hindi naman ito sanay. 

"Kamukha n'ya si sir Rifle," masayang sabi ni Luke, kay Xyra. 

Tinignan na mabuti ni Luke si Lever mula ulo hanggang paa at wala talagang duda na anak ito ng dati n'yang amo dahil sa kamukha ni Lever ito. 

"Pero mukhang sayo nakuha ang ugali," dagdag na sabi ni Luke kay Xyra. 

Natawa naman si Xyra sa sinabi ni Luke sa kan'ya. Muling humarap si Luke kay Lever na nagtataka pa rin kung sino ba ang lalaking kaharap n'ya. 

"Sino po ba kayo?" tanong ni Lever kay Luke. 

"Ako si Luke Espiritu, ang Secretary ni Chairman Ramond Winchester... Lolo Ramond mo," paliwanag ni Luke kay Lever. 

Wala idea si Lever kung sino ba ang pinagsasabi n'yang tao na maski ang papa n'ya ay hindi rin kilalang lubusan. 

"Kumain ka muna, Secretary Luke, " aya ni Xyra kay Luke. 

"Salamat na lang, pero kailangan ko ng kuhanin si Lever dahil naghihintay sa kan'ya si President Snipe at President Uzi," paliwanag ni Luke kay Xyra. 

Tumingi naman si Lever sa mama nito dahil sa narinig. Halata sa itsura ni Lever na ayaw n'yang sumama. 

"Kailangan," sabi ni Xyra dahil alam nito ang anak n'ya. 

Alam ni Xyra kahit hindi magsalita si Lever kung ayaw o gusto n'ya ang bagay o nangyayari dito. 

"Kailangan mong sumama, kung naguguluhan ka pa ngayon ay ipapaliwanag sayo ng mga ninong mo kung ano ang nangyayari," mahinahon na paliwanag ni Luke kay Lever. 

"Sige na, Lever, ayusin mo na ang gamit mo," utos ni Xyra. 

"Paumanhin ulit, pero lahat ng kailangan na gamit ni Lever ay nasa condominium na ni sir Rifle, magbihis na lang s'ya," paliwanag ni Luke. 

"Kilala mo naman siguro ugali ni president Snipe," dagdag na sabi ni Luke sabay tawa ng mahina. 

Tumango si Xyra para sa pagsang-ayon n'ya kay Luke. 

"Sige na, Lever," sabi ni Xyra. 

Naglakad si Xyra palapit kay Lever at hinila ito papunta sa kwarto ni Lever. 

"Mama, ayokong sumama sa lalaki na iyun," sabi ni Lever sa mama n'ya pagkapasok sa kwarto nito. 

"Tutulungan ka n'ya pagpunta mo sa manila," sagot ni Xyra sa anak. 

"Maligo ka na at kukunin ko ang damit na susuotin mo," sabi ni Xyra. 

Gusto pa sanang umapila ni Lever ng hilahin s'ya ni Xyra papuntang banyo. Wala ng nagawa ang binata kung hindi sumunod sa mama n'ya dahil alam naman n'yang hindi s'ya tatantanan ni Xyra, kahit na ayaw man nitong pumunta sa Manila ay mapupunta rin s'ya doon dahil sa Mama n'ya. 

Gaya ng sabi ng Mama Xyra n'ya ay doon s'ya mag-aaral kaya ifo-focus n'ya na lang sa pag-aaral ang lahat. 

Related chapters

Latest chapter

DMCA.com Protection Status