Chapter 55: IT HEALS

Isang umaga ay may kumakatok sa pintuan ng kwarto niya. Napabalikwas siya dahil sa lakas nito.

"Ma ano ba iyon?" nakasimangot na tanong nito sa mama niya.

"Anak,magbihis ka si Storm nasa baba hinihintay ka. Emergency daw,si Paul hindi maganda ang lagay." tuliro na sabi ng mama niya. Halata s amukha nito ang pag-aalala.

"Ha? Bakit ma, ano daw ba ang nangyari?" tanong niya.

"Hindi ko alam. Mabuti pa magbihis ka na para makaalis na kayo." utos ng mama niya saka ito dali-daling bumaba.

Agad namang nagbihis si Ashy. Hindi niya alam kung ano ang gagawin ng mga oras na iyon.

Nag-aalala siya sa pwedeng mangyari kay Paul.

Pagdating sa sala ay nakita niya agad si Storm. 

"Ash, sumama ka sa akin. Gusto kang makausap ni Paul. Kahit saglit lang."pakiusap nito.

"Kaya nga andito na ako diba? Tara na," agad na sabi nito. Nakalimutan na nga niyang magpaalam sa mama niya dahil sa labis na pag-aalala.

Habang nasa sasakyan sila