Chapter 148

Isang banayad at magandang classical music ang tumutunog sa isang engrandeng hall na napapalibutan ng naggagandang mga pailaw na ang kulay ay naglalaro sa pink, blue, violet, at white. Kasabay sa saliw ng musika ay ang eleganteng sayaw ng mga naggagandahang mga dilag at binata, bata at matanda. Sa malaking stage ay ang orchestra na nagbibigay musika sa lahat ng nakakarinig. Nakasuot ang mga ito ng itim na dress—para sa mga babae, at itim na business attire para sa mga babae. Habang sila ay tumutugtog, isang music conductor ang nag-ga-guide sa kanila. Nakatayo ito sa isang maliit na platform at may hawak na baton na kan'yang ginagalaw sa saliw ng musika. Sa baba ng stage ay ang maraming mga bisitang aabot sa tatlong daan ang bilang. Ang style ng hall ay isang malawak na pabilog. May dalawang grand staircase na nakalagay sa magkabilang gilid sa harapan ng hall. Napapalamutian ng mga bulaklak ang hawakan nito at ang red carpet sa hagdan na maayos na inilatag ay agaw pansin din. Puti ang