Tatay, tulungan ko na po kayo riyan. " Mabilis na lumapit si Lyrica sa kanyang tatay. Nagkasabay silang mag ama sa paglalakad pauwi sa kanilang bahay. Si Lyrica ay nagtatrabaho sa kanilang bayan bilang isang tindera.
"Sige anak, pasuyo na ako nitong sako na ito." Nakangiting sabi sa kanya ng kanyang tatay.
"Sabi ko sa inyo 'tay, huwag ganito karami ang bubuhatin ninyo. Delikado na ito para sa inyo." Nag aalala kong sabi sa kanya.
"Ayos lang ako hija, hindi kasi ako pinasabay ni Julio sa kariton niya. Puno na rin kasi." Mababakas sa mukha ni tatay ang sobrang pagod at parang dinudurog ang puso ko dahil doon.
"Tay, mabuti naman at dumating ka na. Wala ng gatas itong si Ambet at Niño." Salubong ni ate Cynthia kay tatay, parang hindi naman niya ako nakita.
Si ate Cynthia ay mayroon ng tatlong anak. Si Bingo na limang taon at si Ambet at Niño naman ay magdadalawang taong gulang. Hiwalay sa asawa si ate at wala siyang trabaho. Inako na namin ni tatay ang responsibilidad na dapat ay sa tatay ng mga bata. Nakipaghiwalay si Ate Cynthia sa kinakasama niya dahil sa pagiging babaero nito at pagiging lasinggero.
"Wala akong kinita ngayon Cynthia, nagbayad pa ako ng utang natin sa tindahan. " Padabog namang nagkamot sa ulo si ate.
"E pano iyan 'tay? Kanina pa umiiyak itong dalawa?"
"Ito ate, mabuti at maagang nagpasahod si Nanay Lucing ." Inirapan lamang ako ni ate Cynthia.
"Ayan, mabuti naman. Bumili ka na muna sa tindahan Lyrica." Pumasok na ulit siya sa loob ng bahay at pilit pinapatahan ang mga anak.
Pinabayaan ko na lamang ito. Simula ng mamatay si inay ay ganito na siyang makitungo sa akin. May mga pagkakataon pa nga na nasasaktan na niya ako. Hindi ko naman alam kung saan nanggagaling ang galit niya sa akin.
"Pagpasensiyahan mo na ang ate mo Lyrica." Mababakas sa boses ng kanyang tatay ang labis na pagod.
"Ayos lang po yun 'tay. Sige na po, may dala nga po pala akong lutong ulam. Magsasaing na po ako pagkabalik ko. Bibili lamang po ako ng gatas nila Ambet." Nakangiting sabi ko sa kanya at nagtungo sa tindahan.
"Pabili nga po ng bearbrand Manang Susan."
May mga nangkukumpulan na nagkukwentuhan sa tapat ng tindahan ni Manang Susan, nginitian ko lamang ang mga ito."Lyrica, kailan mo balak bumalik sa pag aaral? Sayang ang talino mo ineng." Sabi ng isang naroroon.
"Oo nga, si Julius yung anak ko na kasabayan mo ay gagraduate na ng college sa Mayo hija." Sabi naman ni aling Myrna.
"Nag iipon pa po ako, para po sa pagbabalik ko sa kolehiyo." Naiilang man ay sumagot pa rin ako sa kanila.
"Naku, sa tingin mo ba ay makakaipon ka pa sa lagay na iyan? Simula nung umuwi ang ate mo ay wala na kayong ginawa ng tatay mo kundi magtrabaho ng magtrabaho. Samantalang iyang ate Cynthia mo ay puro pasarap sa buhay." Sabad naman ni Manang Susan.
"Hay naku, oo nga hija. Palaging naririto sa tindahan miryenda ng miryenda ang mag iina niyang si Cynthia, palagi pang may hawak na sigarilyo iyang kapatid mo." napailing na sabi ni Aling Myrna.
"Ah, ganun ho ba. Hindi po kasi namin alam na nagbibisyo pala si ate." Ayun lamang ang sinabi ko at umalis na.
Bigla naman akong kinutuban ng hindi maganda kaya dali-dali akong umuwi sa bahay.
"Ito na yung gatas nila ate." Iniabot ko kay ate Cynthia ang gatas at dumiretso sa aking tinutulugang silid. Pagkasarado ng pinto ay hinanap ko kaagad ang pinakatatago tago kong pitaka. Naroroon lahat ng naipon ko sa pagtitindera ko sa bayan.
Para akong pinagsakluban ng langit at lupa ng makita ang laman niyon. Napahagulhol na lamang ako ng iyak dahil lilimang daan na lamang ang naroroon.
"Anong nangyari Lyrica?!" Dali daling pumasok si tatay sa aking silid. Nag aalala itong lumapit sa akin.
Umiiyak pa rin ako at hindi umiimik.
Pumasok na rin si Ate Cynthia.
"Ano bang nangyayari diyan?" Bungad na tanong nito.
"Anong nangyari ate? Ito, naubos na ang ipon ko simula nung nagtrabaho ako." Napatingin naman siya sa pitakang hawak ko. Nakita ko sa mukha niya ang pagkaguilty bago nag iwas ng tingin.
"Oh ano naman? Bakit? Pinagbibintangan mo ba ako ha? " Mataray niya akong tiningnan.
"Cynthia? Kinuha mo ba ang pera ng kapatid mo? " Galit na sabi ni tatay.
"Bakit ko naman kukunin 'tay? Hindi ko naman pati alam na may pera palang nakatago riyan." Pag iwas ni Ate Cynthia.
"CYNTHIA!"
"Bakit ba tatay? Bumawas lang naman ako ng konti sa pera ni Lyrica! Anong gagawin ko? Nagugutom kaming mag iina rito sa bahay."
"Ate, lilimang daan na ang naiwan sa wallet ko. Apat na libo na ang naitatabi ko." Mas lalo lamang akong napaiyak. Ang ipon ko... Iniipon ko yun dahil balak kong makipagsapalaran sa Maynila. Doon ako maghahanap ng trabaho.
"Diyos ko Cynthia, saan mo dinala ang pera ng kapatid mo? " Nanlumo ring bigla si tatay.
"Bakit ba kamping kami ka riyan kay Lyrica tatay? Anak mo rin naman ako a? " Bigla na lamang umiyak si ate at nagmamadaling lumabas ng kwarto.
"Lyrica anak, pagpasensiyahan mo na ang ate mo hija." Wala na rin namang magawa si tatay.
"Ang ipon ko tatay. Ang tagal kong inipon iyon... Nagtitiis ho akong kanin at libreng sabaw sa karinderya ang ang tanghalian tay, para po makaipon ako. " Puno ng hinanakit kong sabi kay tatay.
Napaiyak na lamang din siya at yumakap sa akin. Nang mahimasmasan ay nagpaalam na si tatay. Kakausapin niya raw si Ate Cynthia.
Hindi ko na nagawang kumain ng hapunan dahil sa sama ng loob ko. Nagkulong na lamang ako sa kwarto at doon nagmukmok.
Kinabukasan ay maaga akong gumising para maghanda sa pagpasok ko sa trabaho.Tulog pa sila ate Cynthia kaya hinayaan ko na."Lyrica, pwede ba tayong mag usap anak? " Malumanay na bungad sa akin ni Tatay paglabas ko ng bahay.
"Ano po iyon itay? " Tanong ko sa kanya. Namumugto pa rin ang aking mata dahil sa pag iyak ko kagabi.
"Pagpasensiyahan mo na ang ate mo Lyrica. Baka talagang namomroblema lang din talaga dahil hindi pa siya makahanap ng trabaho anak."
"Pare pareho naman po tayo itay. Alam niyo naman po kung para saan ang iniipon ko. Gusto ko hong makatuntong sa Maynila para doon humanap ng trabaho. Mas malaki po ang kikitain ko doon."
Napayuko lamang si tatay at napabuntong hininga."Alam ko naman iyon anak, huwag kang mag alala babayaran ko sa iyo ang kinuha ng ate mo. "
"Huwag na po itay. Pasensiya na rin po, talagang sumama lang ang loob ko kagabi. Huwag po kayong mag alala at makakaipon naman po ulit ako. " Nakangiting sabi ko sa kanya.
"Salamat anak." Yumakap siya sa akin.
"Siya sige na itay, aalis na ako. Baka wala akong masakyan. " Ngiti ko sa kanya.
"Aalis na rin ako anak, may pinapahakot si Berto. Sayang ang kikitain ko doon." Naghiwalay na kami ni tatay.
Hindi nakapagtapos ng elementarya si tatay dahil sa hirap ng buhay. Si inay naman, nakatuntong pa ng highschool kaso hindi rin nakatapos. Ang alam ko nakapagtrabaho pa si inay sa Maynila at doon guminhawa ang buhay namin. Kaso sa hindi malamang dahilan ay pinaalis siya sa trabaho. May mga sariling hayop dati sila Tatay pati mga pananim, ayun kasi ang pinakamainam dito sa aming probinsiya. Kaso nung nagsimulang lumutang ang sakit ni inay ay doon na naubos ang mga naipundar nila.
Sampung taong gulang ako noong namatay si nanay. Simula noon ay hindi na naging maganda ang pakikitungo sa akin ni Ate Cynthia at Kuya Roy. Ako ang sinisisi nila kung bakit naging ganito ang buhay namin. Malas raw ako sa kanila.
Nang makarating ako sa tindahan ng gulay ni Nanay Lucing ay agad kong ginawa ang mga gawain ko. Katulong ako ni nanay Lucing sa pagtitinda at paglilinis ng kanyang pwesto. Laking pasalamat ko sa aking kaibigan na si Marco dahil ipinasok niya ako ng trabaho sa kanyang Nanay Lucing.Si Marco ay nakilala ko noong ako ay highschool, naging magkaibigan kami kasama na rin sina Mildred, Wren at Krisha. Naging matalik kaming magkakaibigan. Si Marco, Wren at Mildred ay nagpapatuloy ngayon sa kolehiyo. Samantalang kami ni Krisha ay napatigil na. Nauna akong tumigil , tanging first year college ang natapos ko. Si Krisha naman ay noong 3rd year na siya dahil siya ay nabuntis. Nagsasama na sila ngayon ni Darius. Kapag may libre kaming oras o araw ay napunta kami sa bahay nila Krisha upang doon ay magsama sama. Ayos lang naman iyon sa pamilya ni Darius, katulad mamayang pagkaawas ko sa trabaho ay magkikita kita kaming magkakaibigan."Hija, naunahan mo na naman ako." Nakangiting sabi sa akin ni Nan
Nang makarating kami sa bahay ay naroroon na sila Boyet at Annika. Sa kanila ko na ipinaluto ang ibinigay ni Nanay Lucing. Nagpalit lamang ako ng damit at umalis na rin kami ni Marco. Hanggang ngayon ay hindi pa kami nag uusap ni Ate Cynthia, masama pa rin ang loob ko sa kanya.Nakamasid lamang siya sa amin ni Marco nang kami ay umalis. Wala pa rin si tatay kaya inihabilin ko na lamang kila Annika na sabihing magkikita kita kami nila Mildred."May problema ba kayo ng ate mo Lyrica? " Tanong sa akin ni Marco."May nangyari kasi kagabi..." Napabuntong hiningang sabi ko. Madahan siyang nagmaneho ng motor at nakinig sa akin."Yung mga naipon kong pera mula sa naging sahod ko sa pagtatrabaho ay kinukuha pala niya... Iniipon ko iyon upang makaluwas na ako ng Maynila. Sobrang pagtitipid ang ginagawa ko nitong mga nakaraang buwan upang makaalis na ako. Kaso nung tiningnan ko kagabi ang pitaka ko, lilimang daang piso na lamang ang natira." Napaiyak na naman ako ng maalala ang mga naipon ko. N
"Kung gusto mo naman talagang umalis Lyrica ay susuportahan ka namin. Para iyon sa ikakaayos ng buhay ng pamilya mo." malumanay na sabi ni Wren. Nasabi ko na rin sa kanila ang pagluwas ko."Oo nga, lalo na at may makakasama ka naman doon. " Sabi ni Krisha."Sigurado naman akong hindi ka papabayaan ni Ate Jessie doon." Nakangiting sabi ni Mildred sa akin."Hindi ba delikado iyon? Mahirap rin sa Maynila. Nakaparaming mandurugas doon, mahirap iyon lalo na at babae si Lyrica." Nakakunot na noong sabi ni Marco."Marco my friend, sa tingin mo ba ay papabayaan ni Lyrica ang sarili niya? Malay mo nga doon makuha ni Lyrica ang swerte niya. Mas kailangan si Lyrica ka ng pamilya niya ngayon. " Seryosong sabi ni Wren at tinapik ang balikat ni Marco. Walang emosyon namang ininom ni Marco ang alak na para sa kanya.Hindi naman lingid sa grupo namin, lalong lalo na sa akin ang pagkakaroon ng pagkagusto sa akin ni Marco. Ilang beses na niyang sinubukang manligaw , agad ko naman iyong tinatanggihan. A
Nang makarating sa bahay ay agad na akong nagpaalam kay Marco, hindi ko na inintay pa ang sasabihin niya. "Aba, ginagabi ka yata ng uwi Lyrica? " Sarkastikong sabi sa akin ni Kuya Roy.Nagulat pa ako ng makitang nasa sala sila kasama nito ang kanyang asawa at anak. "Ngayon lang kuya, nagkita kita kami nila Krisha." Malumanay na sabi ko. "Talagang inuna mo pa ang pag gimik kesa ang tumulong rito sa bahay. Dumating kami rito na wala man lang pagkain. Hindi pa kami kumakain ng pamilya ko. Ang dami dami niyo rito, wala man lang gumawa ng paraan para magkahapunan tayo." Galit na sabi nito sa akin. "Hindi naman kuya. Umuwi ako kanina pagkagaling sa trabaho, may dala akong lulutuing ulam kuya. Annika? Diba ay pinaluto ko yun sa inyo? " Umiling lamang sa akin si Annika. Takot nga pala ito kay ate Cynthia at kay kuya Roy. "Anong hindi? Ito nga at nagsumbong sa akin si ate na hindi ka man lang nagbibigay sa kanila! Talagang nagtatrabaho ka lamang para sa sarili mo ano? Alam mong may mga
Kinaumagahan ay umuwi ako sa bahay upang magbihis. "Lyrica? Pwede ba tayong mag usap? " Sabi sa akin ni Tatay. Tumango lamang ako at sumunod sa kanya palabas ng bahay."Pasensiya na po kagabi tay, talaga pong sumama lamang ang aking loob." "Alam ko naman iyon anak. Pasensiya ka na rin sa mga kapatid mo. Alam mo naman ang ugali ng mga iyon." Napabuntong hiningang sabi niya."Opo tay. Siya nga pala po, baka matuloy na po ang pag alis ko.""Ah... Ganun ba, sigurado ka na ba riyan sa balak mo? " " Opo naman itay, matagal ko na po itong pinag iipunan. Mas makakatulong po ako kung sa Maynila po ako magtatrabaho." Nakangiting sabi ko."Manang mana ka talaga sa iyong inay Lyrica. Alam ko namang hindi ka magpapapigil, basta ay iingatan mo ang sarili mo doon ha? " " Opo tay." Doon natapos ang aming pag uusap, palagi namang ganoon lamang ang sinasabi ni tatay, pagpasensiyahan ko na lang daw sila ate o kaya naman ay intindihin ko na lamang daw sila.Umalis na ako ng bahay at nagtungo sa saka
7"Mag iingat ka doon Lyrica, ang mga paalala ko sa iyo ay huwag na huwag mong kakalimutan." Yumakap sa akin si Tatay.Ngayong araw ang alis ko patungo sa Maynila, limang oras ang pagbabyahe ko papunta roon. "Oo naman po 'tay. Para po ito sa pamilya natin." "Ate, mag iingat ka roon ha? Mabuti na rin at aalis ka. Ayaw kong nakikitang inaaway ka nila ate Cynthia. Wala naman kaming magawa ni Boyet dahil takot kami sa kanila." Naiiyak na sabi ni Annika."Ikaw talaga, basta ay huwag ninyong papabayaan ang mga pamangkin natin. Tumawag kayo agad sa akin kapag nagkaproblema. Huwag ang hindi ha? " Ginulo ko ang buhok nito. "Oo naman ate." Wala sila ate Cynthia ngayon dahil doon sila natulog sa bahay nila Kuya Roy. Hindi rin alam ng mga ito na ngayon ang alis ko. Minabuti ko na ring huwag sabihin sa kanila iyon.Alas tres palang ng madaling araw at si Wren at Marco ang maghahatid sa akin sa sakayan ng bus. Hindi na ako nagpasama kay tatay dahil baka doon pa kami mag iyakang dalawa sa termin
"Uh, huwag mo nalang pansinin iyang dalawa. Sige na, ilagay mo na sa kwartong yun ang gamit mo tapos kumain na tayo. " Pag iwas ni Jessie sa nagtatakang mukha ko. Sinunod ko na lamang ang sinabi niya at muling lumabas para kumain."Ay ate girl, ilang taon ka na ba? Alam mo pwede ka sa pinapasukan namin. " Sabi sa akin ni Misha."Gaga! Huwag si Lyrica, pure yan! " singit agad ni Jessie pagkaupo sa harap ng hapag kainan."Sus, sa hirap maghanap ng trabaho ngayon rito sa Maynila e sigurado akong doon din ang bagsak niya. Don't worry, aalagaan naman natin siya doon. Akala mo naman hindi ka sa ganon nagsimula." Sabi ni Misha kay Jessie.Napabuntong hininga na lamang si Jessie."Uh, so Lyrica ang totoo kasi niyan hindi ako sa opisina nagtatrabaho. Hindi kasi ako matanggap tanggap sa mga kompanya rito sa Maynila noon." Panimula niya. "Ayun, sa isang high end na bar ako nagtatrabaho pati na rin itong dalawa. Hindi alam sa probinsiya natin kaya sana ay huwag mo na ring mauulit kay Mildred. So
9Maagang nagsimula ang araw ko habang sila Jessie naman ay matutulog pa lamang. Inimis ko na ang mga dapat kong imisin. Sinabihan na rin ako ni Jessie kung alin ang mga dapat at hindinko dapat galawin sa loob ng apartment.Nang makatapos ako sa mga dapat kong ayusin ay nag ayos na rin ako para sa unang araw ko ng paghahanap ng trabaho. Suot ko ngayon ang itim kong slacks noong ako ay pumapasok pa ng kolehiyo pati na rin ang katerno nitong pang itaas, kulay ube naman iyon. Nagpulbo na rin ako at naglagay ng kaunting lipstick para naman hindi ako maputla mamaya. Alas siyete pa lang ng umaga pero maingay na sa labas. Isinuot ko na ang itim kong doll shoes saka umalis. Itinext ko na lamang ang mga kasama ko sa bahay para pagkagising nila ay hindi na nila ako hahanapin. Sumakay na ako ng tricycle, inilista ko na sa papel ang mga lugar na pupuntahan ko ngayon. Inuna ko na ang pinakamalapit sa apartment."Good morning po Sir, dito po ba yung may hiring ngayon? " Tanong ko sa guard na nas