Kabanata 4 - Business trip

Sophia drops her jaw nang makita niya ang tsokolateng cake na dala ng kanyang mister, nagpabalik-balik ang kanyang tingin sa cake at sa mukha ng asawa habang nag-iisip kung bakit biglang lumambot ito sa kanya.

Naisip niya na baka may binabalak itong hindi maganda kaya nais nitong pawiin ang galit niyang puso. "Hindi ka na dapat nag-abala pa para dito," walang gana niyang sabi sa mister.

Nagdilim ang mukha ni Matthew matapos nitong marinig ang sagot ng misis, agad niyang tinanong ang sarili kung bakit ba niya ito ginawa pa. Naisip niyang pinapahiya lang niya ang kanyang sarili kaya walang anu-ano'y binitiwan niya ang hawak niyang cake at ito ay bumagsak sa sahig.

"A-anong ginawa mo?!" protesta ni Sophia nang makita ang pagkalat ng cake sa sahig.

Walang nakuhang sagot si Sophia mula sa mister bagkus ay tinalikuran siya nito, inis na inis si Sophia dahil sa nagkalat na mga durog na tinapay sa malagkit icing na nagmantsa sa sahig.

Inis na nagpapadyak si Sophia dahil kailangan pa niya itong linisin, "bakit mo kasi binitawan?!"

Humarap nakalayo ng mister sa kanya nang marinig ang reklamo nito at nakita niya ang pag-arko pataas ng labi nito, "hindi ba'at ayaw mong tanggapin? Kaya anong pinagpapapadyak mo dyan?!" malamig niyang tanong.

"Dinumihan mo lang naman ang sahig, sino sa palay mo ang balak mong paglinisin ng kinalat mo?!" nakapamewang niya sagot pabalik sa mister.

"May iba ka bang taong nakikita sa paligid natin ngayon?" Nagmasid si Matthew sa paligid upang tignan kung nasa paligid ang kanilang tagalinis, "kung wala kang nakikita, why don't you do the honor?" sarkastikong sabi nito. Tumalikod ng mister ng wala na siyang narinig na protesta mula sa misis.

Walang nagawa si Sophia kundi ikuyom ang kanyang mga kamay at linisin ang nagkalat na maliliit na tinapay sa sahig, buong gabi niyang nilinis ang kalat na ginawa ng kanyang mister dahil sa naninikit na lagkit ng icing sa sahig habang ang kanyang mister ay nakangising pinapanuod lamang ang kanyang misis na naghihirap linisin ang kalat mula sa sofa na kanyang inuupuan sa ibaba at sumisimsim ng alak sa hawak niyang kopita. "Maligayang anibersaryo sa ating dalawa," bulong niya.

Kinabukasan ay maagang gumising si Sophia kahit pa puyat at pagod ang katawan dahil sa ginawang paglilinis kagabi, agad siyang nagtungo sa kusina upang ipagluto ng almusal ang asawa. Matagal na niyang paulit-ulit na ginagawa ito kahit pa alam niyang never ginalaw ng kanyang mister ang kanyang mga hinahandang pagkain.

Nang matapos siyang magluto ay nag-almusal muna siya at saka nagtungo sa banyo. Naligo siya at nagbihis saka lumabas ng bahay upang kitain ang kanyang kaibigang si Leanne habang palabas siya ay nakasalubong niya ang driver ng kanyang asawa na si Manong Jules.

Si Manong Jules ay matagal ng naninilbihan sa pamilya Delgado, bata pa lamang si Matthew ay driver na niya ito kaya kabisado na niya ang ugali ni Matthew.

"Manong Jules, pakisabi naman po kay Matthew na pinaghanda ko siya ng almusal." nakangiti niyang sabi.

"Ay nako, ma'am. Kaya nga po ako naparito ay upang ipaalam sa inyo na isang linggong mawawala si Mr. Delgado dahil meron siyang business trip," sagot nito sa kanya.

"S-sinabi po ba niya ito sa inyo na ipaalam sakin?" Puno ng pag-asa niyang tanong sa pag-aakalang may pakialam na ito sa kanya dahil pinaalam niya na hindi siya makauuwi ng bahay ng isang linggo.

"Hindi po, ma'am." Tugon nito.

Naglaho ang pag-asang kaniyang nararamdaman matapos marinig ang tugon sa kanya ng manong, pinilit niyang ngumiti upang ipakita na hindi siya disappointed kahit pa ang puso niya ay nagsusumikbo sa kalungkutan. "S-alamat po sa pagpapaalam sa akin, mauna na ho ako." Pagpapaalam niya.

"Saan po ang punta niyo, ma'am? Hatid ko na po kayo," offer ni Jules sa kanya.

"Hindi na po, naghihintay na po ang kaibigan ko sakin," sagot niya habang nakaturo sa pulang kotse na nakapark sa harapan ng gate ng bahay. 

Nanakbo palabas ng bahay si Sophia at sumakay sa sasakyan, "bakit ang tagal mo naman? Kanina pa kita hinihintay!" reklamo ng kanyang kaibigan.

"Wag ka ng magreklamo, magmaneho ka na lang," utos niya habang kinakabit ang seatbelt.

Inistart ng kanyang kaibigan ang sasakyan at minaneho palayo, "anong sinabi sa'yo ni Manong Jules? May pinag-uutos ba ang kamahalan mo?" usisa niya.

Iniikot ni Sophia ang kanyang mga mata saka ngumuso, "he just inform me na hindi uuwi ng one week si Matthew."

Napangisi ang kaibigan sa nakitang reaksyon ni Sophia, "are you affected?" 

"I'm not!" deny niya.

"E, bakit umuusok sa inis yang ilong mo?" pang-aasar nito kay Sophia. Hindi sumagot si Sophia na mas lalong nagpahalakhak sa kanya. Maya-maya ay huminto na ang kanilang sinasakyan ng marating na nila ang resort. 

"Andito na tayo, bumaba ka na," utos ni Leanne.

Sumunod si Sophia  ng makababa ang kanyang kaibigan, takang nilingon niya ang kaibigan ng makita na nasa harapan sila ng Viewscape resort. 

"A-anong ginagawa natin dito? Akala ko ba ay kakain lamang tayo at mamimili ng damit?"

"I change my mind! Ang gusto ko na lang ay magrelax tayong dalawa since you are available for one week at nagkataon na hindi rin ako busy," sabi nito.

"Ibig mong sabihin ay dito lang tayo for a week?" gulat na sabi niya.

"Oo naman, don't worry sa isusuot mong damit dahil pinamili na kita," minustra niya ang compartment ng sasakyan niya sa kaibigan.

"Ikaw talaga mapagdesisyon ka!" 

Hindi kumibo si Leanne sa sinabi niya bagkus ay ngumit ng may ma-spatang gwapo na pumasok sa loob, "kunin mo ang gamit natin, mauna na muna ako sa loob," utos niya habang nakasunod sa makisig na binatang dumaan.

Kinuha ni Sophia ang kanilang gamit sa likod ng sasakyan at pumasok sa loob ng resort, bumungad sa kanya ang iba't-ibang kulay ng naglalakihang payong ng cottage na malapit sa kulay bughaw na dagat. Iniikot niya ang kanyang tingin sa paligid at namangha sa magandang view dito, "S-sophia. Na-ndito ang mister mo! Akala ko ba ay may pinuntahan siya," nauutal na tanong ni Leanne sa kanya.

"N-nasaan siya?" tanong ni Sophia, itinuro ng kanyang kaibigan ang kinaroonan nito at nakita nga niya ito sa di-kalayuan na nakasuot ng swimming trunk habang ang babaeng kalapit niya ay nakalingkis sa braso nito.

"Business trip. Ito pala ang tinutukoy niyang business trip," inis niyang bulong sa sarili.

---