21

Nalilito siya kung tanong o deklarasyon ang sinabi ni Caleb. It was said almost incoherently. Halos pautal ang boses nito. For one moment there, tila tumigil sa pagpintig ang puso niya. Panandaliang huminto sa pag-inog ang mundo at nakatitig lang sa lalaki. Nahihirapan ang utak na iproseso ang lahat.

Tinawag siyang asawa sa panahong nagdesisyon silang maghiwalay na.

“Meredith…”

This time ay mas klaro nitong binanggit ang pangalan niya. Nabawasan na ang tila ngatal sa tinig nito. Dahan-dahang umangat ang palad ni Caleb. Inaanyayahan siyang lumapit.

“Oh, my God!” naiiyak na bulalas ni Mommy Audrey habang nakatitig sa anak.

Habang masaya si Mommy Audrey at ang medical team na nakapaligid sa kanila, kabaligtaran ang naramdaman ni Ashley. Malapit lang ito sa kanya pero kinakabahan siyang silipin ang reaksyon sa mukha nito. Babae siya, kahit may lihim siyang disgusto sa babae, ramdam niya ang hirap ng kalooban nito. Sa huli, nilingon niya ito. Kahit may pilit mang ngiti sa mga labi, naaani