Karma 48 - Day 1 of Searching

Dave's Pov

Agad akong pumunta sa bahay namin para makausap ko si Mommy. Pinaharurot ko ng mabilis ang sasakyan ko para agad akong makarating sa bahay namin. Muntik pa nga akong mahuli ng mga nakatambay na traffic enforcer dahil lagpas na sa speed limit ang takbo ko buti na lang hindi ako napansin. Gusto ko nang makita si Mommy para malaman ko ang impormasyon na meron siya. Alam ko alam niya ang nangyayari sa akin, sa amin pero hindi lang siya nakikialam hanggat hindi ako ang kusang lumapit sa kanya at humingi ng tulong. Ganyan naman siya palagi. Simula bata pa ako ay hinahayaan niya akong magdesisyon ng mag-isa at ginagabayan niya lang ako. Makikialam lang siya kapag may mali na akong nagawa. Alam ko naman na galit na galit si Mommy sa akin ngayon dahil sa ginawa ko kay Yssa. Mahal na mahal niya si Yssa kahit na hindi niya sabihin sa akin. Mas mahal niya pa ang asawa ko kaysa sa akin. Ra