Chapter 102: Playing Safe

MARAHAS NA pinalis ni Alyson ang mga luha niya. Ngayon na nagawa na niyang ilabas ang galit ay kailangan niyang e-divert ang atensyon. Hindi rin pwede na ipakita niya sa dalawa ang kahinaan niya. Okay na 'yung minsan pagsabog niya. Inilabas niya ang mga kagamitan sa pag e-e-sketch. Idadaan na lang niya doon ang lahat. Kinuha niya ito sa pagkakatago sa ilalim ng kama. Doon niya inilagay para malayo ito sa mga mata ni Geoff. Ginawa niya iyon dahil sa walang paalam nitong pagpasok ng silid noong unang gabi dito.

"Sorry Babe, natakot ka ba kay Alyson?"

Tumango si Loraine. Isiniksik pa ang mukha sa dibdib ng lalakeng namumutla rin ng bahagya.

"Sabi ko naman sa'yo di ba, monster si A-Alyson."

Niyakap siya ni Geoff at tinapik ang likod upang aluin. Parang sasabog ang pintig ng puso nila.

"Kaya natatakot akong narito ka at kasama niya. Kaya please babe, kausapin mo na si Lolo na—"

"We can't do anything now, Babe but continue until the end of the month. Nag-agree na ako. Hindi ko na pwedeng ba