Chapter 101: Hagupit ng Galit

SA TINURAN ni Alyson ay biglang napatayo si Loraine. Hindi na gusto ang tabas ng dila nito. Bumabaon na sa utak niya ang pagkapikon dito.

"Dapat nga naman talagang mag-alala ka, girl. Maraming pwedeng mangyari sa loob ng isang araw. Iyong isang buwan pa kaya? Kaya kung ako sa'yo, babantayan kong mabuti si Geoff. Hindi ka nga sigurado eh. Hindi mo nga naman alam kung ano ba ang nangyayari sa amin ni Geoff dito."

"Huwag mo ngang lasunin ang utak ko, Alyson! Walang ibang mangyayari sa inyo dahil sa akin pa lang ay sobrang satisfied na si Geoff!"

Mapang-asar na tinawanan niya ito. Siguro kung masama siya, sinabi niya na dito na tabi silang natulog ni Geoff ng unang gabi pagbalik nila rito. Kaya lang ay ayaw na niyang gatungan ang galit nito at baka matuluyang himatayin. Bahala na siya sa buhay niya. Hindi na lang siya iimik dahil oras na sabihin niyang hubad ito nang magising siya, malamang sasabog itong parang bulkan.

"Okay. Labas na. Wala ka namang sense kausap."

Hinila niya na sa braso