Chapter 11

ABALA ang lahat sa mansyon, may bisita kaya mas dinoble pa ang pagsisipag ng mga katulong maliban kay Agatha na relax at nakangiti pa. Dapat mas maganda siya ngayon. Nag-ayos siya, nagpahid ng liptint at eyeshadow, blush-on na pangmalakasan. Kailangan niyang palutangin ang kakaibang ganda.

"Agatha, nagmake-up ka ba?" Kumunot ang noo ni Aling Lydia nang iabot sa kaniya ang tray ng pagkain ng Boss.

"Aling Lydia naman, wala ho ito hindi ho ako nag-ayos man lang," Aniya kahit halata naman dahil putok na putok ang blush-on.

"Magbehave ka ha, baka mapahiya si Sir Khevin sa bisita niya," paalala nito saka napailing. Pilyang kinindatan ito ni Agatha. Kilala na siya ng mayordoma na likas ang kakulitan, masisisi niya ba ito? Eh, likas naman talaga siyang masama. Gusto niyang mapangiti sa sarili. Masama bang mangarap para sa kinabukasan ng pamilya?

Kailangan niyang matuto ng kagandahang-asal kahit hindi siya sanay. Marahan siyang kumatok sa pinto ng library room ng Boss. Wala siyang narinig