Chapter 12

"AGATHA!" may diin na saad ni Khevin, umupo na kasi ang dalaga sa upuang nasa harap ng dalawang kaibigan. Komportable na tila katropa lang.

"No, it's alright Khev. Mas gusto pa nga namin na mas makilala siya." sagot ni Exodus na halatang natipuhan agad si Agatha.

Nginitian ni Agatha si Khevin.

"Sir naman, gusto ko naman s'yempre makilala ang mga friends mo."

"What?!" Naiiling na humugot ng malalim na hangin si Khevin.

Napangiti ang dalawa niyang kaibigan. Naiinis siya sa malalagkit na tingin at sulyap ng mga ito kay Agatha, na tila gustong-gusto naman ng katulong niya. Parang gusto niyang hilain si Agatha palayo at yugyugin ng matauhan, ang landi kasi.

"Alam mo Sir Atom, kung hindi mo naitatanong-" natigilan si Agatha nang mapansing parang bubuga na ng asupre ang amo niya.

"Sir Khev, nagseselos ka ba?" prangkang tanong ni Agatha, napahalakhak sina Atom at Exodus dahil sa tinuran ng dalaga napatingin kay Khevin at naaliw sa nakikitang pagkayamot nito sa dalaga.

"Agatha, please