Chapter 0010.2

ILANG sandali pa nga ay nakasakay na siya sa kotse at tahimik lamang siyang nakatanaw sa labas at pinagmamasdan ang mga sasakyang dumadaan kasabay nila.

“Apo sa tuhod?” mahinang bulong niya na tila ba isang baliw at kinakausap ang sarili niya at pagkatapos ay napahawak sa kanyang puson at marahang hinaplos ito.

Sa dalawang taon nilang pagsasama ni Lucas ay magkahiwalay sila ng silid sa bahay nito at iilang beses lamang na magkatabi silang dalawa, kapag gusto lang magpahupa ng pagnanasa si Lucas ay tyaka lamang siya nito tinatabihan. Isa pa ay lagi rin talaga itong nakabantay sa pag-inom niya ng pills dahil minsan ay halos isang linggo na sunod-sunod itong tumatabi sa kaniya.

Isa pa minsan din ay gumagamit ito ng condom upang siguruhin na hindi talaga sila makakabuo kaya kung iisipin ay napaka-imposible talaga na mabuntis siya.

Bago niya pa man nalaman na buntis siya ay palagi na siyang nahihilo at may time pa hindi na siya halos makatayo kaya nagpasya siya na magpa-chek up mag-isa