Chapter 45.1

Hindi nila alam kung gaano sila katagal naghintay hanggang sa tuluyang mamatay ang ilaw sa loob ng emergency room at kasunod nito ay bumukas ang pinto at lumabas doon ang doktor. Mabilis silang nagsilapitan rito.

“Doc kumusta na ang lolo ko?” kaagad na tanong ni Lucas rito.

Sa halos araw-araw nilang magkasama ni Lucas ay palagi itong kalamado ngunit sa mga oras na iyon ay iyon pa lamang ang unang beses na nanginig ang boses nito. Mugto na ang mga mata ni Annie dahil sa tuloy-tuloy na pag-iyak. Lahat sila ay pare-parehong naghintay ng sasabihin sa kanila ng doktor.

Hanggang sa nagsalita na nga ito na halos ikapanghina nila pare-pareho. Hinubad nito ang suot nitong face mask at malungkot na tumingin sa kanila. “Pasensiya na po pero ang ginawa na po talaga namin ang lahat ng aming makakaya. Hindi na siya magtatagal at gusto kong magpaalam na kayo sa kaniya habang may oras pa.” sabi nito sa kaniya.

Biglang nanghina si Annie ng marinig niya ang sinabi ng doktor at hindi niya maiwasang hind