Gumagapang at umaalipin na sa kanyang kamalayan ang matinding takot. Bawat aninong kumikilos ay nagpapanginig sa kanyang laman at nagpapabilis sa tibok ng kanyang puso.
“Ano ’yon?” Nanginginig ang tinig na tanong ni Sophie sa sarili, ng mapansin ang aninong wari ay biglang nagtago sa dilim.
Luminga-linga siya. Hinanap ang posibleng pinuntahan ng anino.
“Baka holdaper ‘yun. Baka terorista! Baka…”
Muli may aninong kumilos. Nanlalaki ang mga matang sinundan niya iyon ng tingin.
May kumalabog mula sa hood ng sasakyan.BOG!
“EEEEEEEEEEEEEEE!”
…….Nakarating sa kinaroroonan ni Victor ang malakas na hiyaw.
“Si Nurse Sophie kaya ‘yun?”
Nanainga. Hinintay kung may maririnig pang sigaw.
…….“EEEEEEEEEEE…”
Nakapikit nang mariin ang mga mata ni Sophie, habang patuloy sa pagsigaw.
Dikawasa’y marahang dumilat, habang sa kanyang utak ay naglalaro ang mga nakakatakot na pangitain.“No! Hindi!”
Nakikita niya sa ibabaw ng hood ang anyo ng ina ni Tony Sandoval. Nanlalaki ang mga mata nitong nakatitig sa kanya.
“Wala akong kasalanan! Hindi ko sinadya ang mga pangyayari!”
“You are so selfish,” ang tila narinig niyang sinabi nito, “Wala kang inintindi kung hindi ang sarili mo lang. You killed me. You killed me!”
“NOOOOO!”
…….Tumatakbo na si Victor. Habang naglalaro sa kanyang isip ang mga panganib na maaaring kinasuungan ng Nurse.
“My God! Baka nilalapa na ng kung anong hayup ang babaing ‘yun. Baka nililingkis na ng sawa!”
Nalimutan ang galit kay Sophie, guilt feeling ang nangingibabaw sa kanyang isip at damdamin nang mga sandaling iyon.
“Kung bakit naman kasi naisip-isip kong dalhin siya sa lugar na ito at buwisitin. Hindi ko dapat pinapanaig ang aking pride. Dapat sana’y idiniretso ko nang pauwi ang sasakyan.”
Binilisan pa niya ang pagtakbo.
…….Takot na takot, mariing muling ipinikit ni Sophie ang mga mata.
“Wala akong kasalanan. Wala akong kasalanan!”Lalo pa niyang idiniin ang pagkakapikit nang makarinig ng katok sa bintana ng sasakyan. Isinubsob ang mukha sa nakakuyom na mga palad.
“Layuan n’yo akooo!”
Lumakas ang katok. Narinig niyang may tumawag sa kanyang pangalan.
“Nurse Sophie…”
Hindi na siya makahinga sa sobrang takot na nadarama.“Nurse Sophie, buksan mo’ng pinto!”
Sa iniwan niyang awang ng bintana nagmula ang tinig.
Isinubsob ni Sophie ang mukha sa manibela ng sasakyan. Umiiyak na sa takot.“Sige, kasalanan ko na. Kasalanan ko naaa!” sigaw niya.
Naghahagilap ng batong maihahagis kay Sophie si Victor.
“Tigilan n’yo na ako. Patawarin n’yo na ako!”
Kasabay sa pag-iyak ang pagsigaw, na hindi pa rin inaalis ang mukha sa pagkakasubsob sa manibela.
“EEEEEEEEEEEEE…”
Ang makabasag eardrum na tili, nang maramdaman ang batong ipinukol sa kanya ni Victor.
“Nurse Sophie Samonte! Ano ba? Si Victor Madrid ito!”
Natigilan ang nars. Nakiramdam. Iniangat ang mukha mula sa pagkakasubsob sa manibela. Marahang idinilat ang isang mata. Kumakalabog ang d****b na tiningnan ang awang sa bintana.
“Victor…Madrid?”
“Buksan mo ‘tong pinto,” sumisigaw na utos ni Victor, “dalian mo, ginaw na ginaw na ako!”
Nanginginig ang kamay pati na ang buong katawan, nagmamadaling sumunod sa utos ang babae, at mabilis na umusog sa passenger’s seat matapos buksan ang pinto ng sasakyan.
Matuling sumakay ng kotse ang lalake. Pinagkiskis ang mga palad upang mabawasan ang ginaw na nararamdaman.
Habang pinakakalma ni Sophie ang sarili. Inhale…exhale.
At pinipigilan ang sariling mapatingin sa dilim.Patigil na ang ulan.
“Pagtulungan nating iahon sa lubak ang sasakyan,” biglang sabi ni Victor na hindi tumitingin sa kinakausap, “ikaw dito sa manibela at ako ang magtutulak!”
Hindi nagsalita, hinintay ng nars na makababa ang katabi.
…….Naiahon nila ang kotse sa lubak.
Si Victor ang nagmaneho ng sasakyan patungo sa tahanan ng mga Madrid.
Wala si Amanda Madrid.
Walang paalam na niwan ni Victor ang kasamang dumating.
“Asikasuhin mo ang babaing ‘yan.” utos nito sa kasambahay na sumalubong sa kanila.
“Opo,” ang sagot nito, habang pinagmamasdan ang palayong amo, “saan po kayo inabot ng malakas na ulan,” tanong nito pagharap kay Sophie, “at saka bakit po puno ng putik si Sir Victor?”
“Saan ang CR,” tanong ng nars bilang pag-iwas sa tanong,” ginaw na ginaw na ako. Gusto ko nang magpalit ng damit.”“Doon ka na po magpalit sa silid na inilaan para sa iyo,” tugon ng kasambahay, “may CR din po doon. Tara, sasamahan po kita.”
Sumabay si Sophie sa hakbang ng kasambahay, sa pag-akyat ng hagdan, hanggang sa tumigil ito sa harapan ng saradong pinto.
Binuksan iyon ng kasambahay. Nagpaunang pumasok sa loob .
“Ito po ang iyong magiging silid habang narito ka sa bahay ng mga Madrid,” pagbibigay alam nito, “CR po iyong saradong pinto na nasa kaliwa,” dagdag pa, “bababa na po muna ako sa kusina. Babalikan na lang po kita kapag nandito na si Madam Amanda.”
“Wala si Mrs. Amanda Madrid?”
“Sinundo po ng kanyang mga amiga. May konsiyerto po sila.”
“Singer siya?”
“Hindi po. Konsiyerto po sa madyong ang tinutukoy ko.”
“Ah!”
Nginitian ni Sophie ang kasambahay na nakangiting muling nagpaalam sa kanya.
.......
May bathtub sa CR, bukod sa shower at iba pang gamit sa banyo. May water heater din.
Tinimpla niya ang init ng tubig na lumalabas sa gripong kanyang binuksan. Hinintay na mangalahati ang laman ng bathtub bago sumakay doon. Nahiga. Iniunan ang ulo sa labi ng bathtub. Ipinikit ang mga mata.
Napakasarap sa pakiramdam ang mala-hiningang tubig na yumakap sa kanyang kahubaran. Naramdaman niyang unti-unting nawawala ang stress sa kanyang katawan at isipan.
“Relax, Sophie. Relax! Everything will be fine.”
Pilit niyang binubura sa isip ang tumatakot na ekspiriyensang kanyang naranasan, kaninang nag-iisa siya sa ilang na lugar.
“Wala kang nakitang multo kanina, Sophie, " pakikipag-usap niya sa sarili, "mga anino lang ‘yun ng mga sanga at dahon ng mga punong nasa kapaligiran ng lugar na iyon,” pagkokondisyon pa sa sariling isip, “nakita mo naman na nabakling sanga lang ng punungkahoy ang kumalabog sa hood ng kotse…hindi multo! Ang hilig mo kasing manood ng mga horror movies, ayan tuloy ang napala mo.” Pangangaral pa sa sarili.
Ipinagpatuloy ang nakapikit na pagkokondisyon sa sarili.
“Relax, Sophie…Relax!”
Unti-unti siyang na-relax. Nakatulog. Nanaginip.
Kaharap niya ang mama ni Tony Sandoval sa kanyang panaginip. Nililipad ng hangin ang mahabang buhok nito habang ang mga mata ay galit na pinandidilatan siya.
“You killed me!” sinasabi nito sa kanyang panaginip.
“I did not!” tanggi niya.
“You’re so selfish! Kung hindi sa pagiging makasarili mo, dapat sana’y buhay pa ako ngayon. Sariling kapakanan mo lamang ang inisip mo. Papatayin kita!”
“Huwag!”
Sa panaginip ay naramdaman niya ang mahigpit na pagsakal sa kanya ng mama ni Tony. Hindi siya makahinga.
Bukas pa ang gripo ng bathtub. Pataas nang pataas ang tubig nito.
Kumilos ang mga kamay ni Sophie. Wari ay may pilit itong inaalis na nakasakal sa leeg nito.
Pumasag ang katawan na tila ba ibig makawala sa kung anong pumipigil sa dito.
Naalis sa pagkakaunan sa labi ng bathtub ang ulo ni Sophie. Lumubog sa tubig.
…na kung hindi maaagapan at maiaahon agad, siya ay malulunod....Na posibleng maging sanhi ng kanyang kamatayan.
*******
Pahigpit nang pahigpit ang pagkakasakal kay Sophie. “Hindi ako makahinga. Bitiwan mo ‘ko!” Habang pilit niyang kinakalas ay lalong humihigpit ang kapit ng mga kamay sa kanyang leeg. “Masama kang tao. Papatayin kita. Dadahin kita sa impiyerno!” “Wala akong kasalanan sa ‘yo!” “Ikaw ang pumatay sa Akin!” “Baliw! Multong baliw! Wala akong kasalanan sa ‘yo… “ Ubos lakas, puno ng panggigigil na kinapitan ni Sophie ang mga kamay na sumasakal sa leeg niya. Puwersahang kinalas. “Walaaaa… !“ ang malakas na sigaw. SPLAKK! SPLASHH… Malakas na humampas ang kanyang kamay sa gilid ng bathtub. Nagising si Sophie. Nagkandasamid at inubo dahil sa tubig na malakas at biglaang pumasok sa kanyang bibig, nagtuluy-tuloy sa baga niya. Agad niyang iniangat ang kanyang ulo sa tubig. Lumuhod. Nagkakandaiyak na isinuka ang tubig na nainom. Hina
Nagmamadaling nagpaalam si Tony Sandoval kay Ella ng matanaw ang private investigator na kinontrata niyang maghanap kay Sophie Samonte.“Babalik ako agad. Kakausapin ko lang itong P. I. ““P. I.? ““Yeah. May ipinahahanap kasi akong tao. I’ll be back. “Sinundan ni Ella ng tingin ang nagmamadaling makaalis, habang sa kanyang isip ay nagtutumining ang hinala na ang kaibigan niyang matalik ang taong ipinahahanap nIto.“Kailangang marinig ko ang pag-uusapan nila.“ Ang nasa isip niya. “Nang biglang bumalik si Tony.“Baka matagalan ang discussion namin ng P. I. Would you mind kung ipahatid na muna kita sa bahay n’yo?”Hindi agad nakasagot si Ella.Sinenyasan ni Tony ang kanyang personal bodyguard na lumapit sa kanila ni Ella“May ipag-uutos po kayo, Boss?“ tanong nito, ng makalapit.
Dinampot ni Victor ang cellphone niyang nasa kama.LOWBAT!Mabilis na nagdesisyon.“’Yung landline sa ibaba ang gagamitin ko.”Nagtutumuling lumabas ng silid. Ngunit sa pagliko niya sa hagdan ay nabangga ang nagmamadali ring nars na kanyang isusuplong.HULOG!Nanlalaki ang mga mata, natigilang nakatingin si Victor sa babaing gumugulong, pababa ng hagdan, na walang patid ang paghiyaw.“EEEEEEEEEE…”Hanggang sa ito ay kumalabog at tumigil sa sahig. Walang malay tao.Mabilis ang mga pangyayaring hindi niya inasahan.Siya ang nagplanong magsuplong at ipakulong ang nars na pinaghihinalaang gumagawa ng masama.Ngunit tila siya pa ngayon ang mapaparusahan.May kaba sa dibdib na nilapitan niya si Sophie.Hindi gumagalaw ang nars. Duguan.Suminsin ang tibok ng pusong tinanaw ni Victor ang pinakaita
Animo palasong isinibat ang sasakyan ni Tony Sandoval. Walang pakialam sa yellow or red light, tuluy-tuloy ito sa pagtakbo, na tila ba walang pakialam sa mundo. Kahit pa ang sariling buhay ay hindi inalintana. Hindi iniiwasan ang ano mang bagay na nakaharang sa dinadaanan, bagkus ay binabangga iyon at pinatatalsik.Nakikipag-unahan siya kay kamatayan. Nais niyang makarating agad sa tirahan ng mga Caprichosa bago mahuli ang lahat.Pakiramdam niya ay nasa panganib ang buhay ni Ella. Kailangan niyang iligtas ito.Nag-aalala siya dahil sa malakas na kalabog at tili na kanyang narinig habang kausap niya sa phone ang babae. Ang malakas na kalabog na iyon (na hinihinala niyang katawan ni Ella na bumagsak sa sahig) ang dahilan kung bakit nag-aapura siyang mapuntahan ang babaing minamahal.Mahalaga sa kanya si Ella at hindi niya gustong may masamang mangyari sa babae. Ibig niyang mailigtas ito kung sakali man at may masamang pangyayari ng
Nagyuyukayok na si Victor sa pagbabantay kay Sophie Samonte. Pasaglit-saglit lamang ang kanyang naging pagtulog mula ng dalhin niya sa ospital ang nurse ng kanyang mama, talong araw na ang nakakaraan.Nasa comma ang babaing hindi sinasadyang nabangga niya at nahulog sa hagdanan.Inilapat ni Victor ang likod sa sandalan ng silyang inuupuan. Ipinatong ang throw pillow sa ibabaw at doon ipinahinga ang ulo. Pumikit upang pagpahingahin din ang mga matang pagod at nahihirapan na.Nakatulog.Nagsisimulang magkamalay si Sophie. Naaninagan niya ang mukha ng lalaking nakaupo sa silya, sa tabi ng hinihigaan niyang kama. Sa kisame nakaharap ang ulo nito.Nakanganga. Nakapikit. Tulog.“Si Victor Madrid?”Pagtataka niya.Inilibot niya ang mga mata sa paligid.“Ospital? Nasa ospital ako? Bakit ako nasa ospital?” Pabulong, sunud-sunod na tanong sa wala.Noon lamang niya napansin ang dextros
Nagmamadali, puno ng pag-aalalang sumugod sa ward na kinaroroonan ni Ella ang mag-asawang Caprichosa.Halos magsara na sa pamumugto ang mga mata ni Ella, dahil sa walang tigil na pag-iyak, hanggang sa mga sandaling iyon ng pagpasok nila sa kuwartong kinaroroonan nito.“Bakit ka umiiyak, anak?” Tanong ng ina, kasabay sa pag-upo nito sa kama at paghawak sa kamay ni Ella.Halos madurog naman ang puso ni Bern, habang pinagmamasdan ang nakahahabag na anyo ng nag-iisang anak nila ni Angelie.“Ano ang ginawa sa iyo ng lalaking iyon?” Tanong nito na ang tinutukoy ay si Tony Sandoval.Nasa tinig ni Bern ang galit sa bawat bagsak ng pananalitang nagmumula sa bibig. Galit na parang bombang maaaring sumabog kapag may nagkamaling pumindot ng detonator nito.Kinatakutan ng anak ang maaaring gawin ng ama, kung sakali at hindi mabubura sa utak nito ang masamang hinalang iniisip, tungkol sa lalaking nat
Padating si Amanda.“Maghanap-hanap ka na ng ibang maaaplayan bilang private nurse. Dahil siguradong sisisantahin ka ni Mama, once na isumbong ko ‘yang pag-aamne-amnesyahan mo.”Hindi nagsalitang bumaba ng kama si Sophie.Sinalubong ni Victor ang ina. Humalik sa pisngi nito bilang pagbati.“Magandang umaga po, Ma’am Amanda.” Pagbati naman ni Sophie na sinabayan ng bahagyang pagyukod ang pagsasalita.“Ano na naman ‘yang kalokohang nasa isip mo, Victor?” Tanong ni Amanda sa anak, matapos tanguan at ngitian si Sophie, “Yang mga ngiti mong ‘yan ang mga ngiting nagbabadya ng kalokohang nasa utak mo.”Makahulugang tingin na sinabayan ng pilyong ngiti ang itinapon ni Victor kay Sophie.“May isusumbong lang ako sa ‘yo, mama.” Saad niya, hinihintay ang magiging reaksyon ng nurse na inaasar.Blanko ang expression ng mukha n
Hindi matanggap ni Sophie na nagawa siyang ipagkanulo ng pinakamatalik niyang kaibigan. Na ipinahamak siya nito gayong hindi lang pagiging kaibigan ang naging turing niya dito, kundi bilang kapatid at minahal nang higit pa sa isang kapatid.At ang tanong na “bakit?” ay paulit-ulit na humahampas sa kanyang isip.“Saan ako nagkulang bilang kaibigan? Saan ako nagkamali?”Napakaraming tanong ang nagsusumiksik sa kanyang utak, ngunit isa man ay hindi niya mabigyan ng kasagutan.“Napakaraming taon na kaming magkasama, ipinagtatanggol ang isa’t-isa. Ano ang dahilan at ipinagkanulo niya ako sa mga Sandoval? Tinakot kaya siya? Pinahirapan?”Ang dahilan na hindi sana niya gustong isipin man lang…“Pera? Binayaran ba siya ng malaking halaga ng pamilya Sandoval? “Pag-iyak na lamang ang nagagawa niya upang mabawasan man ang hindi mabuburang sakit ng kalooban.