003

"WE need to do the operation as soon as possible before it's too late. We need to prepare 30 million for the operation."

Natulala na lang si Naomi sa isang tabi. Saan siya kukuha ng 30 million para sa operasyon ng Kapatid niya? Kahit ata ibenta niya ang lahat ng lamang loob niya, hindi pa rin sasapat. Buntis pa siya.

Pero hindi niya hahayaang mawala rin si Nonoy sa kaniya dahil ito na lang ang mayroon siya. Nang mawala ang kaniyang ina, siya na ang tumayong magulang para kay Nonoy.

"Naomi, kailangan mong magpahinga. Alam kong maraming nangyari pero kailangan mo ring isipin ang bata diyan sa sinapupunan mo," ani Luna.

"L-Luna, saan ako kukuha ng ganoong kalaking pera? Kahit buong buhay ko pagtrabahuhan ko, hindi ko kayang ipunin ang 50 million pesos."

"Hindi ko rin alam pero hayaan mo, gagawa tayo ng paraan. Kung kailangan nating lapitan lahat ng pwede nating lapitan, lalapitan natin."

Naipunas na lang niya ang kaniyang palad sa mukha dahil mababaliw na lang siya kakaisip sa pwede niyang gawin.

"Hayop talaga 'yang asawa mo! Ni hindi ka man lang nagawang puntahan dito o mag-alok man lang ng tulong sa inyong magkapatid. Hindi ko alam na ganoon pala kademonyo ang lalaking 'yon. galit na sabi ni Luna.

Hindi na lang siya umimik dahil mas bumibigat lang ang lahat. Ang dami na niyang iniisip at pakiramdam niya'y bibigay na siya. Hanggang kailan niya makakaya ang lahat? Ang taong akala niya'y kakampi niya, ito pa ang nagbigay sa kaniya ng pahirap at pasakit.

—

NAGULAT si Naomi nang pag-uwi niya sa bahay nila ni Owen para sana kumuha ng damit, nakatambak sa labas ng bahay ang mga gamit nila ni Nonoy. 

"Anong ibig sabibin nito?" Mabilis siyang pumasok sa loob ng bahay. "Owen! Owen!"

"Ma'am, Naomi."

"Yaya, bakit nasa labas ang mga gamit namin ni Nonoy?"

"Ma'm, inutusan po kasi kami ni Ma'am Ivy na ilabas ang mga gamit ninyo dahil hindi na raw po kayo ang titira rito," paliwanang ng katulong. "Pasensiya na po dahil napag-utusan po kami. Tatanggalin po kasi kami sa trabaho kapag sumuway kami."

"Nasaan si Owen?"

"Umalis—"

"Hindi na kailangang nandito si Owen, Naomi dahil siya pa nga ang nag-utos sa akin na paalisin ka na sa bahay." Lumingon siya kay Ivy. "Since, ayaw mo namang makipag-divorce, mas mabuting umalis ka na lang kasama ang kapatid mong sinto-sinto."

"At sino ka para mag-decide? Ang kapal naman ng mukha mong paalisin ang tunay at legal na asawa. Know your place, Ivy isa ka lang kabit na nakikisawsaw sa asawa ko, 'di ba? Naubusan ka na ba ng lalaki? O sadyang makati at malandi ka!" ganti niya. "Isa pa, huwag mong idadamay ang kapatid ko dito."

"How dare you!" Hinawakan agad ni Ivy ang buhok niya at hinila siya palabas pero nagmatigas siya.

"Mam, Ivy tama na—"

"Huwag kayong makilialam dito kung ayaw niyong mawalan ng trabaho!" sigaw nito sa mga katulong na aawat sana. "Ayaw mong umalis? Sige, gusto mo 'yong nasasaktan ka pa." Pilit siya nitong hinihila palabas.

"Hi-hindi ako aalis, Ivy dahil ako ang legal na asawa at hindi ikaw!" Pinipigilan niya ang kamay nito na nakahawak sa buhok niya. "Ikaw ang dapat umalis dahil isa kang kabit!"

"Kabit? Ikaw ang sumira sa relasyon namin noon ni, Owen at ngayon, binabawi ko lang ang dapat sa akin."

Kahit anong pigil niya, malakas si Ivy at dahil na rin siguro sa nanghihina niyang katawan kaya nadala siya nito sa labas ng bahay at tinulak siya sa mga gamit nila ni Nonoy. Natumba siya at napangiwi. Nasapo agad niya ang kaniyang tiyan.

"You're no longer live here, Naomi. Hindi na ikaw ang reyna nang bahay na ito, ako na." Humalukipkip pa ito at ngumisi.

"Hayop ka, Ivy! Kahit anong gawin mo, hindi ka magiging legal na asawa ni Owen. Mabubuhay ka bilang kabit, tandaan mo 'yan."

Mas nagalit si Ivy. Nilapitan siya nito at hinawakan sa leeg. "Well, hindi na mahalaga iyon. Alam mo kung anong mas mahalaga? Akin na si Owen ngayon."

—

MABILIS na naglakad si Naomi patungo sa opisina ni Owen. Walang pasabi na binuksan niya iyon at pumasok. 

"Naomi, anong ginagawa mo rito?" gulat na sabi ni Owen. Tumayo ito sa pagkakaupo.

Nilapitan niya ito at agad niyang sinampal ng dalawang beses kasabay ng luhang pumatak sa kaniyang mga mata. Hindi niya kayang paniwalaan na sa isang iglap naging demonyo si Owen.

"Itatapon mo na lang ba talaga kami, Owen? Itatapon mo na lang ba lahat ng pagsasama natin para lang sa babae mo?" Umiling-iling siya. "Hindi na ikaw ang Owen na minahal ko three years ago. Isa ka nang demonyo sa harapan ko."

Sapo nito ang pisngi. "N-Naomi, I'm —" Hindi na nito natapos iyon dahil muli niya itong sinampal.

"Sorry kapalit ng labis na pananakit mo sa akin? Sa pagtataksil mo? Kahit isang milyong sorry pa ang sabihin mo, hindi noon magagamot lahat ng sugat ng pagtataksil mo." Nabasag na ng tuluyan ang boses niya.

"A-ano bang ginawa ko? Ma-marami ba akong pagkukulang? Naging masama ba akong asawa sa iyo? H-hindi ba ako sapat? Owen, alam mo kung gaano kita kamahal...k-kung anong ginawa ko para lang sa iyo. Ibinigay ko lahat ng mayroon ako pati ang pamilya ko."

Umiling si Owen. "H-hindi ganoon, Naomi. Naging mabuti ka kaya lang hindi ko kayang mag-settle sa ganitong buhay. I want more. Gusto kong humigit pa sa mayroon ako at habang kasama kita, hindi ko 'yon makukuha. Alam mo rin ang estado ng negosyo ng pamilya ko. Palubog na kami at kailangan kong kumapit sa mga taong mag-aangat sa akin."

Ngumisi siya at sarkastikong tumawa habang umiiyak. "Kaya kumapit ka kay Ivy? Owen, paano ako? Ang tingin mo lang pala sa akin, pabigat at walang kayang gawin para sa pag-asenso mo?"

"Sana maintindihan mo ako."

"Hindi ko kayang intindihin, Owen." Suminghot siya.

Napakamot sa noo si Owen. Walang emosyon sa mga mukha nito. Lumapit ito sa table at may kinuhang envelope.

"I know what happened to your brother, Naomi so I made an offer for you. Hindi ko kayang bayaran lahat ng bills sa operasyon ni Nonoy pero makakatulong sa iyo ang io-offer ko." Huminga ito. "Hindi na tayo magiging ok, Naomi at kailangan na lang nating tanggapin ang kahihinatnan ng relasyon natin."

"Signed this divorce paper kapalit ng 10 milyon."