AIJAN: 28

Now playing: I Love You Goodbye

Sabrina

Halos dalawang linggo ko ring hindi nakita at nakasama si Cara. Masyado kasi akong nagpaka busy sa mga gawain. Bukod sa nalalapit na graduation ay minabuti ko na lamang din na bigyan si Cara ng maraming oras, upang makasama ang kanyang mga kaibigan.

That's the only thing to do na pwede kong magawa at maisukli sa kanila. Sa pagbibigay ng mga ito ng respeto sa aming relasyon ni Cara. Sa pagtatago nila nito mula sa iba, kahit na hindi namin ito kailangang hilingan sa kanila ay kusa na nilang ginawa.

Isa pa, alam kong miss na miss na sila ni Cara na makasama. Kaya naman sinadya ko rin ang ipaubaya sa kanya ang oras na kailangan nilang magkakaibigan. Lalo pa at alam ko na ang iba sa mga ito ay sa labas na ng bansa mag-aaral.

Sinasanay ko na rin kasi ang aking sarili na hindi makita o makasama si Cara sa araw-araw dahil magiging ibang eskwela na ang aming papasukan. Hindi na magiging kagaya pa ng dati na anumang oras namin gustuhin ay pwede kaming mag