CHAPTER 61: The Evidence

[This chapter may be unsettling for some readers due to the uncomfortable situations encountered while uncovering the truth in the evidence.]

“Ahhhhh!” Umalingawngaw ang sigaw nila ni Danica kasabay ng mga putok.

Nahila siya ni Drew padapa. Nanginginig sa takot habang nanlalaki ang mata ni Lily na pumailalim sa kanyang asawa.

Palibhasa ay alerto si Orion, nagawa nitong tumalikod para protektahan si Danica at saka tumalon sa pool ang mga ito, nagtago sa ilalim ng tubig. Nabasag ang mga vase, ang salamin at ang lahat ng nahagip ng mga bala.

Matapos ang sandali ay narinig na lang ni Lily ang pagtigil ng mga putok kasunod ang papalayong motor.

“Damn it!” mura ni Drew bago umupo.

“D-Drew? Are you alright?” garalgal ang tinig na tanong ni Lily.

“I’m fine!”

“D-Danica!” Kinakabahan niyang tawag sa kapatid. “Orion!”

Umahon mula sa kinatataguang tubig ng pool ang dalawa.

“Kuya!” sigaw ni Danica matapos mapuna ang sumisirit nitong dugo sa braso. “Kuya Orion!