Kabanata 17

Maagang dumating ang binatang si Ken sa Hospital kung saan naka confined ang Lola ni Isabel.Naisip nito na dalawin ang matanda dahil malapit din naman siya dito. Noong kumatok siya sa pinto ay mabilis itong binuksan ng dalaga na halatang may hinihintay, halata din ng binata ang gulat at pilit na ngiti na binigay ng dalaga sa kaniya.

"Oh, Ikaw pala Ken. Anong ginagawa mo dito ng napaka aga?" Bungad na tanong ni Isabel at pinapasok ang binata. Inibis naman ng binata ang bitbit niyang prutas sa lamesa at nag mano sa matanda.

"Sempre dinadalaw ang pinaka magandang Lola sa pilipinas," biro nito at kumindat sa Lola ni Isabel, tumawa naman ang matanda.

"At talagang nambola ka na agad pagkarating na pagkarating mo? At sa pilipinas lang talaga ako pinaka maganda." Natatawang sabi ng matanda. 

Hindi naman alam ni Isabel ang mararamdaman ng mga oras na iyon, bihira lang tumawa ang matanda at isa ang kaibigan niyang si Ken na nagagawa noon. Halos hindi naman tal