Kabanata 18

"Hindi ka talaga titigil diyan ha?" Natatawang banta ng lalake dito, pero umiling lang ang babae at inasar pa siya nito ng inasar ang lalake.

Kaya mabilis na tumayo ang lalake at lumapit sa babae, nakangiti ito ng nakakaloko at hinawakan ang dalawang pisngi ng babae.

"Sige ilabas mo pa iyang dila mo at hihilain ko 'yan" 

Agad namang tinulak ng babae ang lalake sa balikat pero parang wala lang itong epekto sa lalake, hindi nga ito naalis sa kinatatayuan. 

"Hoy, hahaha! Ano ba lumayo ka nga. Binibiro lang naman kita kaibigan bakit masyado kang pikon ha?" Tawang-tawa ang babae at paulit-ulit na tinulak ang lalake.

Tinukod ng lalake ang isang kamay sa lamesa habang nakahawak ang isang kamay sa pisngi ng babae.

"Siguraduhin mo lang na hindi mo na ako aasarin, subukan mo ulit ilabas iyang dila--" hindi natuloy ng lalake ang sasabihin ng bumukas ang pinto at andoon ulit ang dalawa, sa pangalawang pagkakataon nagkita ulit silang apat.