Chapter 24

Dala-dala ang can beer sa magkabilang kamay na inakayat ni Warren ang deck ng sinasakyang private boat na pagmamayari ng kompanya ng mga Manchester. Nadatnan niya ang kaibigan na nakatanaw sa halos walang hangganan at banayad na dagat.

Tinatangay ng kasalubong na hangin ang buhok nila maging ang mga suot na polo.

"Liam," Initsa niya ang isang beer na hawak, saka lumapit sa kaibigan.

"Bakit ba kasi sa Nueva Ecija mo pa naisipang magtayo ng bahay? Puwede namang sa Maynila nalang." Hindi siya tinapunan ng tingin ni Liam, nilagok nito ang beer na hawak. Malamig iyon at tila humagod sa lalamunan.

"Hindi ko alam," sagot ng binata.

Iyon lang naman palagi ang sagot ni Liam sa kanya sa tuwing may gagawin itong nakakapagtaka, nasanay narin siya dito, sa tingin naman ni Warre