Chapter 19

        Gulat na gulat si Athena nang pagbuksan nito ng gate si Martin. Araw noon ng Sabado at alas otso pa lamang ng umaga.

        "Mart.. what brought you here? Ang aga mo." nababaghang sabi niya sa nabungarang bisita.

        "Dumaan lang ako." kaswal na sabi sa kanya ni Martin. Noon naman dumating ang kanyang ina, ama at kapatid.

        "Good morning po Tita, Tito, Kuya Achilles."

        Isang malaking pumpon ng bulaklak ang iniabot nito sa kanyang ina. Gayundin sa kanya na sinamahan nito ng isang box ng black forest cake. Prutas naman para sa kanyang ama at kay Kuya Achilles.

        "Hijo, ang aga mo naman. Nag - almusal ka na ba?" ang tanong ng kanyang ina.

        "Opo, Tita. Pasensya na po kayo kung napaaga ako ng pagpunta dito. May pinuntahan lang po ako sa malapit dito kaya dumaan na