Chapter 20

        Wala na siyang nagawa nang magpilit pa si Martin na ihatid siya sa kanilang tahanan. Pabor na pabor naman si Miles na agad itinulak si Martin sa loob ng tricycle at siya namang sumakay sa likod ng tricycle driver. 

        Pagkarating sa kanilang tahanan ay mabilis silang umibis ng tricycle. Nilikom at pinagpag nila ang dalang payong bago inilagay sa isang tabi. 

        "Oh Athena, Martin.. pasok, pasok. Bilis at ang lakas ng ulan. May bagyo pa yatang darating eh." anang kanyang ina. 

        "Bakit naman kayo sumuong na sa ulan. Sana'y nagpatila na muna kayo bago umuwi." sabi ng kanyang ama na sinalubong din sila.

         "Sorry po. Naisip po kasi namin na aabutin na po kami ng gabi kung hindi pa kami uuwi."  

         Mabilis silang pumasok sa loob ng kabahayan sa sobrang lamig n