Chapter 7

Umupo naman ako agad sa kanyang harapan. Nilibot ko ang paningin ko sa office niya at masasabi mo talagang ang manly ng dating. Nang dumako naman ang tingin ko sa kanya ay nahuli ko siyang nakatingin sa akin pero bigla din nag-iwas ng tingin at binaling ang mata sa computer na nasa parteng gilid ng kanyang mesa.

“So, it’s your first day.” Isn’t it obvious?!

“Yes, Sir.” pormal kong sagot.

“Pinakuha ko pa muna kay Mrs. Apostol ang mga papeles na kailangan kong tignan bago ko ibigay sayo but it take her an hour bago dumating,” paliwanag nito.

“Hmm, okay Sir.” tipid kong sagot.

Akala ko naman may ibibigay na siyang trabaho sa akin. Pinatawag pa ako, dapat saka nalang ako pinatawag kung nandito na! Reklamo ko sa kaloob-looban ko.

“Ipapatawag na lang kita ulit mamaya, you can go back to your office now.” saad niya.

Tumango na lamang ako at agad tumayo. Tatalikod na sana ako nang bigla siya ulit magsalita.

“But before that,” h