Chapter 6

Mag-aalas sais na ng hapon nang gisingin ako ng isang kasambahay namin para maghanda na sa dinner. Bumangon naman agad ako at dumiretso sa banyo para maghilamos. Habang pababa ako ng hagdanan ay nakita ko namang pumasok si Mommy sa front door.

“Hi, anak.” bati nito.

Dali dali akong bumaba at yumakap dito. Nang maghiwalay kami sa yakap ay sakto namang pumasok si Daddy kasunod nito ang kasambahay na sumalubong sa kanila at bitbit ang mga gamit ng mga ito.

“Ma’am, Sir handa na po ang dinner niyo,” sabi ni Yaya Meding na nanggaling pa sa kusina.

Tumango naman ang mga magulang ko at bumaling sa akin.

“Mauna ka na sa dining area, magpapalit lang kami ng Daddy mo.” utos ni Mama.

“Okay po,” tugon ko.

Nauna na silang umakyat ng hagdanan at ako naman ay dumiretso sa kusina kung saan inaayos na nina Yaya Meding ang mga pagkain sa lamesa. Pagkaraan ng ilang minuto ay bumaba na ang parents ko a