Chapter 52- Ang pag-wakas sa kasamaan ni Cortez

PATULOY sa pakikipagpalitan ng bala ang kampo nina Andrew at Cortez, pati na rin ang mga pulis. Si Andrew ay walang takot na susugurin ang mga kalaban kahit na may mga balang nagliliparan sa ere. Si Enton nama'y buong lakas din na lumalaban kahit na may tama na ito ng bala sa kabilang binti. Habang si Cortez nama'y natatarantang utos nang utos sa mga tauhan nito na ubusin na ang lahat ng kalaban at nag-utos na rin sa tauhan na tumawag ng susundong chopper para tumakas. Ang hindi nito alam ay wala nang dadating pa na chopper dahil pinalilibutan na sila ng mga pulis. Balak din ni Cortez na bago ito umalis ay papatayin niya muna si Andrew.

Nang magtagpo naman sina Enton at Andrew sa gitna ng labanan ay nagpasya si Enton na magpalit sila ni Andrew ng mascara. Nangako siya kay Akie na siya ang bahala kay Andrew kaya tutuparin niya ang sinabi niya sa dalaga. Nang una ay hindi pumayag si Andrew, pero sa huli ay pumayag din ito. Mas okay raw iyon para malito si Cortez sa kanilang dalawa kung