Kabanata 12

Sa pag-aakala na nagbibiro lamang si Charlie, hindi ito sineryoso ni Claire. Siya ay naglakad sa gilid at tumawag kay Doris.

Hindi matagal, may sumagot na.

Ang matamis at kalugod-lugod na boses ni Doris ay umalingawngaw sa kabilang linya. “Hello, Miss Wilson.”

“Hi, Miss Young. May pabor po akong hihilingin sa iyo,” sinabi nang nahhiya ni Claire.

“Sige, ano iyon?” Sumagot si Doris.

Ininsayo muli ni Claire ang pangungusap sa kanyang isip, humingia nang malalim bago siya nagsalita nang determinado, “Maaari ko bang malaman kung may oras ang chairman bukas nang gabi? Ang aking pamilya ay magdaraos ng handaan bukas upang i-anunsyo ang kolaborasyon namin sa Emgrand Grorup. Sana ay pumayag ang chairman sa aking imbitasyon…”

Mayroong katahimikan sa kabilang linya bago ulit nagsalita si Doris, “Miss Wilson, pasensya na ngunit hindi ko kayang gumawa ng desisyon para sa aking chairman. O kaya, pwede ko siyang kausapin para sa iyo, ayos lang ba iyon?”

Sinabi nang magalang ni Claire, “Salamat po, pasensya na sa abala.”

Pagkatapos ng tawag, kinakabahan na hawak ni Claire ang kanyang selpon, hinihintay ang sagot.

Sa sandaling ito, biglang tumunog ang selpon ni Charlie.

Nagulat si Charlie, tahimik na minura ang kanyang sarili dahil nakalimutan niyang patayin ang tunog ng kanyang selpon. Siguradong si Doris ito upang hingiin ang kanyang opinyon.

Nagkunwari siyang sinagot ang selpon nang kalmado at sinabi, “Hello?”

Tulad ng inaasahan, lumabas ang boses ni Doris sa selpon, “Mr. Wade, may handaan bukas nang gabi ang Wilson Group. Gusto ko lang po tanungin kung makakapunta ka sa handaan.”

Sumagot si Charlie, “Ah, ganun ba? Sige, gagawin ko… Sige, iyon lang, paalam…”

Pagkatapos, agad niyang binaba ang tawag at sinabi, “Nakakainis talaga ang mga marketing spam na tawag…”

Hindi naghinala si Claire, ngunit mabilis na tumunog muli ang kanyang selpon.

Narinig niya muli ang boses ni Doris. “Hello, Miss Wilson, pumayag ang chairman sa iyong imbitasyon, pupunta siya sa lugar kung saan gaganapin!”

“Huh! Talaga… mabuti… salamat nang marami sa iyong tulong. Pakisabi rin po na salamat kay Mr. Chairman…” Bumulong si Claire dahil sa gulat at sinundan nang sabik na tili. Hindi niya inaasahan na papayag ang chairman na pumunta.

Mabilis siyang pumunta kay Lady Wilson at sinabi nang natutuwa, “Lola! Pumayag ang chairman ng Emgrand Group na pumunta!”

“Talaga!?” Sobrang nasabik si Lady Wilson.

Tumalikod siya at inutusan agad ang mga miyembro ng pamilya, “Bilis, gawin na ang mga kailangan ihanda! Ipareserba ang pinakamahal na hotel, orderin ang pinakamasarap na pagkain at inumin! Salubungin natin nang magarbo ang chairman ng Emgrand Group!”

“Sunod, tawagan ang lahat ng malaking kumpanya sa siyudad at anyayahin sila sa ating handaan! Ipaalam niyo sa kanila na pupunta rin ang chairman ng Emgrand!”

Pagkatapos, ang opisina ay naging sobrang abala dahil sa lahat ng tao na tumawatawag!

Ang lahat ay nagmadali, patuloy na tinatawagan ang kanilang mga kasosyo sa negosyo at ang mga prominenteng tao sa Aurous Hill.

Ang balita ay sumabog na parang isang atomikong bomba sa siyudad at kumalat ito na parang apoy!

Sa isang kisap-mata, ang lahat ng tao sa Aurous Hill ay alam ang tungkol sa handaan ng Wilson Group.

Ang misteryosong chairman ng Emgrand Group ay magpapakita sa handaan ng pamilya Wilson bukas ng gabi!

Sinagot ni Lady Wilson ang hindi mabilang na katanungan sa telepono na may malaking ngiti sa kanyang mukha.

Siya ay sobrang saya ngayon, dahil alam niya na pagkatapos ng handaan kinabukasan, ang pamilya Wilson ay siguradong magiging pinakahanap-hanap na pamilya sa Aurous Hill!

Humagikgik siya nang tapat at sinabi, “Sige, iyan lang para sa araw na ito. Maghanda na kayo sa handaan kinabukasan. Makakaalis na kayo!”

Pagkatapos ng pagpupulong, bumalik si Lady Wilson sa kanyang opisina.

Si Harold ay tumingin sa paligid nang malambing at mabilis na sinundan siya.

“Lola, gagawin mo ba talagang direkto si Claire?”

Hindi maiwasang itanong ni Harold nang wala na ang mga tao sa paligid.

Kumunot ang noo ni Lady Wilson at sinabi sa malamig na boses, “Nangako ako kay Claire, bakit hindi ko siya hihirangin?”

“Lola, hindi mo siya pwedeng gawing direktor!”

“Bakit? Nakakuha siya ng isang malaking kontrata. Ang kanyang kontribusyon ay malaki at importante at nararapat lang ito sa kanya.”

“Nakakuha lang siya ng kontrata sa Emgrand dahil tinulungan siya ni Wendell mula sa pamilya Jones. Narinig ko na pumunta si Wendell sa kanilang bahay kahapon at pumirma ang Emgrand Group ng kontrata sa atin ngayon. Ang pagkakataon ay kakaiba, hindi ba? Sa nakikita ko, nagpalipas siya ng gabi kasama si Wendell Jones!”

Ang mukha ni Lady Wilson ay unti-unting nangitim sa galit. “Totoo ba?”

Sinabi nang matatag ni Harold, “Siyempre totoo! Pumunta nga si Wendell sa kila Claire kagabi. Malalaman mo kapag sinubukan mo iyong imbestigahan.”

Pagkatapos ay nagpatuloy siya, “Lola, si Claire ay isang kasal na babae. Kung lalabas ang sikreto na ito, at nalaman ng mga tao kung paano natin nakuha ang kontrata sa Emgrand, anong sasabihin nila sa pamilya Wilson? Anong sasabihin nila sa iyo?”

Ang kunot sa noo ni Lady Wilson ay mas lumalim, naniwala sa kasinungalingan ni Harold.

Alam niya na may gusto si Wendell kay Claire.

Sa panahon ng kanyang kaarawan, binigyan siya ni Wendell ng isang jade talisman na may halagang tatlo o apat na milyong dolyar.

Maipapaliwanag rin nito kung bakit nakakuha ng aninnapung milyong dolyar na kontrata si Claire.

Nang maramdaman ang pagbabago sa ekspresyon ni Lady Wilson, mabilis na nagpatuloy si Harold, “Kung gagawin mong direktor ang walang hiyang babae na ito, madudungisan ang ating reputasyon! Sa ganitong panahon, dapat kang maghirang ng ibang tao upang maging direktor at ibigay din ang kredito sa pagkuha ng kontrata sa taong iyon. Ang pinakamagandang pagpipilian ay isang lalaki, ito ang pinakamahusay na paraan upang maiwasan ang tsismis!”

Tumango nang bahagya si Lady Wilson, pinag-iisipan ang kanyang mungkahi.

Pinaniwalaan niya ang 80% ng kasinungalingan ni Harold.

Kung iisipin ang mga pangyayari, dapat siyang pumili ng ibang kandidato bilang direkto upang matanggal ang mga sabi-sabi at tsismis.

Kung malaman ng publiko na nakuha ni Claire ang kontrata dahil mayroon siyang relasyon kay Wendell, maaari niyang sabihin na ang bagong direktor ang nakakuha ng kontrata sa halip na produkto ito ng ibang relasyon ni Claire.

Bukod dito, ang matandang babae ay may kinikilingan din.

Sa totoo lang, hindi niya gusto si Claire! Bukod dito, siya ay isang maingat na babae na may patriyarkal na pag-iisip. Hindi niya gusto ang ideya na unti-unting lumalaki ang impluwensya at kapangyarihan ni Claire sa pamilya Wilson.

Dapat niyang pigilan ang kanyang paglaki sa pamilya upang pagtibayin ang kayamanan ng pamilya Wilson.

Nagpasya siya nang tahimik habang ang kanyang utak ay patuloy na nag-iisip.

Tumingin siya kay Harold at sinabi nang malamig, “Harold, mula ngayon, dapat kang makinig sa akin. Gawin mo ang mga sasabihin kong gagawin mo, at huwag mong gawin ang mga sasabihin kong huwag gawin, naiintindihan mo ba?”

Tumayo nang tuwid si Harold at sinabi, ipinapakita ang kanyang katapatan, “Huwag kang mag-alala lola, Susundin ko ang iyong mga utos na parang isang tapat na tagapaglingkod. Pupunta ako kung saan ka tuturo. Gagawin ko kung ano man ang sabihin mo!”

“Sige.” Tumango si Lady Wilson at nagpatuloy, “Sa handaan bukas, i-aanunsyo ko na ikaw ang magiging bagong direktor at ang mamumuno sa proyekto kasama ang Emgrand Group. Pero tandaan mo, dapat kang maging masunurin at matapat. Kaya kitang itaas, pero kaya rin kitang ibaba!”

Masayang tumili si Harold at sinabi, “Huwag kang mag-alala, lola! Magiging mabuting bata ako!”