Kabanata 11

Pagkatapos ng tatlong yuko, naiipon na ang luha sa mga mata ni Harold pero hindi siya nangahas na gumawa ng masama ngayon.

Alam niya na sobrang nabigo at nabalisa sa kanya ang kanyang lola, kaya kahit ano pa man, hindi niya dapat siya galitin pa.

Nagbuntong-hininga dahil sa kaginhawaan si Lady Wilson pagkatapos yumuko at umamin ng pagkatalo si Harold.

Hindi niya gusto na yumuko ang kanyang mahal na apo sa talunan na si Charlie, pero sila ay nagsugal na kasangkot siya.

Siya ay tapat na tagasunod na budista. Kung hindi tutuparin ni Harold ang kanyang pangako, siya ay talagang matatakot sa ganti at karma na pupunta sa kanya sa punto na hindi siya makakain at makakatulog nang maayos.

Kaya, tinignan niya si Harold at sinabi nang walang ekspresyon, “Harold, ituring mo ang tatlong yuko na to bilang aral. Sa susunod, huwag kang tataya sa bagay na hindi ka sigurado. Kahit na gusto mong tumaya, huwag mong idamay ang iyong pamilya!”

Habang nakasimangot ang mukha, sinabi ni Harold, “Opo, lola, natuto na ako. Hindi ko na ito uulitin…”

Habang siya ay nagsasalita, ang kanyang mga mata ay nakatingin nang masama kay Charlie, iniisip, ‘Bastardo! Ang lakas ng loob mong pilitin akong paluhurin at payukuin sa harap mo. Pinahiya mo ako ngayon, pangako na gaganti rin ako sayo sa hinaharap!’

Pagkatapos, sinabi ni Lady Wilson, “Masaya ang araw na ito, ngayong nakakuha ng kontrata si Claire. Kayon lahat, bilisan natin at gawin na ang mga paghahanda. Kailangan nating gamitin ang pagkakataon na ito upang gumawa nang magandang samahan sa Emgrand Group!”

Pinaalala ni Charlie, “Lola, dahil nagtagumpay si Claire, hindi po ba’t i-aanunsyo niyo ang paghirang kay Claire bilang direktor ng kumpanya tulad ng iyong ipinangako?”

Tumaas ang kilay ni Lady Wilson, at nag-iisip siya sa kanyang utak.

Sinabi niya nga na kung sino ang makakakuha ng kontrata ay magiging direktor ng kumpanya.

Gayunpaman, hindi niya paborito si Claire. Habang lagi siyang naiirita sa kanyang talunan na asawa at mga ideya ang unti-unting pumapasok sa kanyang isipan.

Paano kung hindi niya ma-kontrol si Claire pagkatapos bigyan nang mataas na posisyon sa kumpanya? Anong gagawin niya?

Sa sandaling iyon, gusto niyang umatras sa kanyang pangako. Dahil hindi naman siya sumumpa noong ipinangako niya ito, kaya hindi sasama ang kanyang pakiramdam kung hindi niya ito tutuparin.

Gayunpaman, hindi matalino na sabihin ito pagkatapos makakuha ng kontrata ni Claire, kaya sinabi niya, “Ganito na lang. Bukas ng gabi, magdadaos ako ng handaan, tatawagan ang lahat ng sikat at maimpluwensiyang tao sa Aurous Hill sa pagdiriwan. Sa handaan, opisyal kong i-aanunsyo ang ating kolaborasyon sa Emgrand Group at ang paghirang ng bagong direktor.”

Naluwagan si Charlie pagkatapos ng pahayag ni Lady Wilson.

Ngumiti rin si Claire, panatag ang loob. Sa wakas, sa kanya na ang posisyon ng direkto. Hindi na siya kukutyain at gagawing mag-isa, at ang kanyang mga magulang ay matataas na ang kanilang mga ulo!

Tumingin si Lady Wilson kay Claire at sinabi, “Claire, may ipapagawa ako sa iyo.”

“Opo, lola, ano iyon?”

“Gusto kong tawagan mo ang chairman ng Emgan Group at anyayahan siya na pumunta sa handaan bukas.”

Pagkatapos ng hinto, sabi siyang nagpatuloy, “Kung makakapunta siya sa ating handaan, magiging malaking tulong ito sa ating pamila! Matutulak rin nito ang pangalan natin sa publiko at magiging mas sikat pa tayo!”

Nag-isip si Claire nang kaunti at sinabi nang nag-aalangan, “Pero… Si Doris Young lang ang nakausap ko, ang vice chairman, hindi ko pa nakikita ang chairman… Bukod dito, hindi po ba’t masyadong banayad na magdaos ng handaan kahit na kakakuha pa lang natin ng kontrata…”

“Ano naman? Gusto kong ipaalam sa buong Aurous Hill na may koneksyon na tayo sa Emgrand Group. Magiging matagumpay na tayo at mayaman!”

Nagpatuloy si Lady Wilson, “Kahit na ayaw pumunta ng chairman nila, pwede mong imbitahin si Doris Young, parehas lang iyon. Siya ang pangalawang tao na namumuno sa Emgrand Group, siya rin ay magiging marangal na bisita sa ating hanaan.”

Nakangiti na siya sa sabik nang maisip ito. Naramdaman niya ang pagdaloy ng mainit na dugo sa kanyang katawan nang maisip kung paano magpapakumbaba ang mga malalaking korporasyon at pamilya na umapi sa pamilya Wilson at maglingkod sa ilalim ng pamilya Wilson.

Ang pamilya Wilson ay magiging mas makinang at malaki sa kaniyang mga kamay!

Nag-isip saglit si Claire bago sumagot nang maingat, “Sige po, naiintindihan ko, susubukan ko…”

“Huwag mong subukan! Gawin mo dapat!”

Tumango nang nag-aatubili si Claire, pagkatapos ay humarap kay Charlie at binulong, “Anong gagawin ko? Paano kung ayaw pumunta ng chairman? Paano kung ayaw rin pumunta ni Doris Young?”

Tumawa nang marahan si Charlie at sinabi, “Subukan mo lang at tignan mo. Nasa iyo ang numero ni Doris Young, hindi ba? Baka pumayag siya sa sandaling tawagan mo siya, sinong nakakaalam?”

Ang layunin ng handaan na ito ay hindi lamang ipakita ang lakas ng pamilya Wilson ngunit i-anunsyo rin ang promosyon ni Claire bilang direktor.

Bilang kanyang asawa, ito ay magiging masayang pangyayari upang suportahan ang kanyang asawa at ipagdiwang ang kaniyang promosyon.

Sa oras na ito, hindi alam ni Claire na ang kanyang asawa ay ang chairman ng Emgrand Group. Kinalikot niya ang kanyang mga daliri dahil sa pagkabalisa at nagbuntong-hininga bago sinabi, “Siya ang chairman ng Emgrand, narinig ko na siya ay isang young master mula sa sobrang yamang pamilya sa Eastcliff. Ang ganitong klase ng tao ay siguradong abala sa kanyang pangaraw-araw na trabaho, paano siya magkakaroon ng oras na pumunta sa isang kung anu-ano pang handaan…”

Tumawa si Charlie at sinabi, “Hindi naman siguro. Marahil siya ay isang tao na ginugugol ang oras kasama ang kanyang asawa sa bahay araw-araw, nagluluto at naglalaba buong araw. Sinong nakakaalam?”

Inikot ni Claire ang kanyang mga mata at nagbiro, “Sa tingin mo ba ay katulad mo ang lahat ng tao?”

Tumango si Charlie. “Oo, baka katulad ko lang ang pinuno ng Emgrand Group…”

Tinikom ni Claire ang kanyang labi at ngumuso, “Tigilan mo na yan! Imposible yan!”