Capitulo Cuarenta y ocho: Bulong ng magkabilang panig

“Marahil ay isa ito sa epekto, hangga’t hindi niya magawang tanggapin ang mga pangyayaring ito. Ako’y nangangambang mas mahihirapan siyang gumaling at makabalik sa dati.”

                     Malalim na napabuntong hininga ang mag-asawa nang marinig ang sinabing iyon ng Doktor. Sa pagkakataong ito ay agad nang umalis si doktor Flaviano nang masuri si Vahlia. Mula kahapon ay hindi pa rin nagigising ang kanilang anak, mataas din ang lagnat nito at hindi pa rin bumabalik sa dati ang pangangatawan.

“Hindi ko magawang pigilan ang aking sariling manisi, Gonzalo. Sa susunod na lingo ang pinagkasunduang kasal ni Victoria at ng Alvaro na iyon. Nais kong tanungin kung ipagpapatuloy mo pa bang ipagkait sa ating anak ang natitirang kalayaang mayroon siya,” nanun