Mom VS. Angel

Kinabukasan, matapos ang shareholders' party, tahimik ang buong mansion ng mga Gagmaitan. Maaga pa lang ay nasa study room na si Samuel. Nakatayo siya sa harap ng malalaking bintana habang hawak ang tasa ng kape. Paulit-ulit na bumabalik sa isip niya ang nangyari kagabi.

Hindi niya pinagsisisihan ang pagtatanggol sa kanyang asawa. Malinaw sa kanya na kung kailangan niyang makipagtalo sa buong pamilya niya para protektahan si Angel, gagawin niya.

Ngunit alam niyang hindi doon matatapos ang lahat. Alam niyang dahil sa nangyari ay pwedeng may mga mangyari sa mga susunod na araw na hindi niya magugustuhan.

Bandang alas-diyes ng umaga, biglang tumunog ang doorbell ng mansion. Makalipas ang ilang segundo, narinig ni Samuel ang boses ng kasambahay mula sa hallway.

"Sir Samuel, nandito po ang Madam. Hinahanap niya po kayo.” Agad na napakunot ang kanyang noo.

"Si Mom?" Hindi na siya naghintay pa. Mabilis na bumaba si Samuel.

Sa living room ay nakita niya ang kanyang ina, si Helena, na nakaupo sa sofa. Eleganteng gaya ng dati ang babae. Naka-designer dress ito at may dalang handbag na halatang mamahalin.

"Good morning, Mom." Bati ni Samuel pero hindi man lamang ngumiti si Helena.

"Sit down." Alam agad ni Samuel na hindi simpleng pagbisita ang pakay nito.

Umupo siya sa tapat ng kanyang ina.

"May problema ba?" Tanong niya, kahit may konting hint na siya kung anong problema ni Helena.

"May problema, Samuel." Seryosong sabi nito.

"About last night?" Tumango si Helena. Kitang-kita ni Samuel ang inis sa mukha ng kanyang ina kahit na wala pa itong sinasabi.

"Your sister called me." Napabuntong-hininga si Samuel.

"Mom, kung tungkol kay Veatrix—"

"Your sister was only concerned,” pagtuloy niya sa sinasabi ni Samuel.

"Concerned?"

"Yes." Napailing si Samuel. Hindi siya makapaniwala na kakampihan nito ang kanyang kapatid.

"She embarrassed my wife,” pagtatanggol ni Samuel sa kanyang sarili at sa kanyang asawa.

"She just asked a question." Paglilinaw ni Helena.

"She went too far, Mom. Hindi ko naman siya hahayaan na kung anu-ano ang sabihin niya sa asawa ko."

"Because she was telling the truth." Natigilan si Samuel.Hindi niya inaasahang ganoon agad kakampi ang kanyang ina kay Veatrix.

"Mom, you know Angel's condition. Right?”

"Of course I know."

"Then you should understand why what Veatrix said was wrong." Bahagyang umayos ng upo si Helena.

"Samuel, you are my son. I love you. That's exactly why I'm talking to you." Pagpilit pa ni Helena, hindi talaga ito nakikinig sa kanyang anak.

"Ano pong gusto mong sabihin?"

"Your father built this family." Napatingin siya sa kanyang ina.

"He built this company from nothing,” pagpapatuloy ni Helena.

"Do you know what happens if you don't have an heir?"Tahimik si Samuel, hindi alam ang sasabihin, ayaw niya namang mabastos ang kanyang ina kahit ganito na ang sinasabi nito.

"Eventually, the company will be divided."

"That's not happening,” pagtatanggol pa rin ni Samuel.

"You don't know that."

"Mom, I'm not discussing business right now. This is about my wife and I'll side with her.”

"But business is exactly what we're discussing." Tumayo si Helena at lumapit sa kanya.

"Veatrix was thinking about the future. She was thinking about herself. She was thinking about our family. Hindi mo ba nakikita iyon?”

Napailing si Samuel. "You're taking her side."

"I'm not taking sides, anak. I'm just stating the truth.”

"You are."

"Because someone has to be realistic." Napahigpit ang hawak ni Samuel sa kanyang tasa.

"Angel is my wife."

"And Veatrix is your sister."

"Exactly. So why couldn't she respect Angel? Iyon lang naman ang hinihingi ko.”

"Because Angel needs to understand her responsibility. Naiintindihan mo ba iyon?” Napatingin si Samuel sa ina.

"What responsibility?"

"To give you a child." Mabilis na namang napailing si Samuel.

"She can't. Alam niyo naman ang tungkol doon.”

"Then find a solution, anak. Marami naman dyan, hindi ba? Matalino ka, mag-isip ka.” Ramdam na ang inis sa boses ni Helena.

"There's no solution, Mom. Kung bibigyan kami, bibigyan kami ng anak.”

"Adoption or maybe surrogacy. Papayag naman siguro si Angel dyan.”

Nanatiling tahimik si Samuel.

"Or.. file an annulment." Napatayo na si Samuel noon, hindi na niya kaya ang sinasabi ng kanyang ina.

"Mom! No! I will never do that!” Sigaw niya. Wala na siyang pakialam noon kung anong maging reaksyon ng kanyang ina.

"Huwag kang sumigaw sa akin.”

"How can you even suggest that? Alam niyo pong mahal na mahal ko si Angel. I won't do that.”

"Simple lang. It's because I'm your mother." Sa pagkakataong iyon ay hindi na napigilan ni Samuel ang galit.

"Angel is not some contract that I can terminate because she can't give me a child!" Mula sa hallway, narinig ni Angel ang boses ng kanyang asawa.

Kanina pa siya nakatayo roon. Hindi niya sinasadyang marinig ang pag-uusap ng mag-ina. Aaminin niya ang bawat salita ay tila unti-unting sumasaksak sa kanyang puso.

"Hindi mo ba naiintindihan, Samuel?" patuloy ni Helena. "You have a family name to protect."

"And I have a wife to protect. She is my family after naming magpakasal, baka nakakalimutan niyo po iyon.”

"Your wife is the reason you're being questioned by the board!"

"Enough!" Sigaw na naman ni Samuel.

Tumalikod si Helena at kinuha ang kanyang handbag."You're making a mistake."

"If loving my wife is a mistake, then I'll make that mistake for the rest of my life."

Napatigil si Helena. Ilang segundo itong nakatingin sa anak bago malamig na ngumiti.

"Let's see how long you can keep saying that."

Pagkatapos ay lumakad na ito patungo sa p***o.

Ngunit bago tuluyang lumabas, nagsalita pa ito. "And please tell Angel to stop being so sensitive. Hindi maganda sa kanya ang ganoon.”

Nang tuluyang magsara ang p***o, naiwan si Samuel sa sala. Huminga siya nang malalim.

Paglingon niya ay nakita niya si Angel.

"Love."

Hindi gumalaw si Angel. Namumuo ang luha sa kanyang mga mata.

"Narinig mo ba ang lahat ng sinabi ni Mom?”

Tumango siya. "Everything."

Lumapit agad si Samuel sa kanya. "Don't listen to my mom."

"Pero, tama siya." Hinawakan ni Samuel ang kamay ng asawa.

"Walang kahit ano sa sinabi nila ang magbabago sa desisyon ko. Hindi kita iiwan dahil lang hindi mo ko mabigyan ng anak.”

Ngunit kahit anong sabihin ni Samuel, hindi na maalis sa isip ni Angel ang mga narinig niya.

Sa unang pagkakataon, nagsimula siyang maniwala na baka tama ang lahat ng sinasabi ni Veatrix at Helena. Baka hindi nga sapat ang pagmamahalan lang nila.

Baka dumating talaga ang araw na mapagod si Samuel sa kanya. Pero, bago pa man dumating ang araw na iyon, siya na mismo ang kusang lalayo sa kanyang asawa.