The CEO'S Karma: Falling In Love With His Escort Wife

"Hello, sister-in-law. Ang aga natin ngayon, ah?" sabi ni Lexi habang tumatayo mula sa velvet sofa. Naglakad siya papunta sa sala kung nasaan si Savannah. Si Savannah ang kaisa-isang kaibigan niya, at kapatid din ng asawa niyang si Trace Valdemor.

B****o si Savannah sa kanya bago siya pinasadahan ng tingin mula ulo hanggang paa. Galit na galit talaga ito sa fashion sense niya, mukha raw kasi siyang manang at tila itinatago ang sexy at virgin na katawan sa mga suot niya.

"Gusto kitang imbitahan sa isang party ngayong biyernes. Pwede ka ba?" tanong nito.

Napabuntong-hininga si Lexi. Kahit ilang party pa ang puntahan ni Savannah at kahit gumawa pa ito ng iskandalo sa pamilya, walang kaso. Laging andiyan si Trace para protektahan ang nakakabatang kapatid nito.

"Hindi, ayaw ko," ang palaging sagot ni Lexi. Umupo siya pabalik sa sofa at elegante itong umupo at tuwid na tuwid pa. 

"Ano ka ba naman, kailangan mo ring maglibang minsan." Ibang-iba ang upo ni Savannah, pabagsak itong umupo sa sofa at nag-de-kuwatro pa. "You need sex, lots of sex," diretsahang sabi nito.

Namula si Lexi sa narinig. Napatingin siya sa paligid, umaasang walang nakarinig sa mga maids. "Ssh! Ang ingay mo, baka mamaya gawan pa nila tayo ng tsismis," saway niya.

Tinaasan lang siya ng kilay ni Savannah at napa-irap.

"Anong tsismis? Na kailanman ay hindi ka pa naikakama ng tanga kong kapatid?” Halukipkip nitong tiningnan si Lexi. "Alam ng lahat ng nagtatrabaho rito 'yon. Alam nilang lahat kung gaano ka ka-miserable," walang prenong sabi nito. "Halika na, sumama ka na sa'kin. Pangako, mag-e-enjoy ka roon," pamimilit nito, pero sa mga oras na to, medyo nagmamakaawa na ang tono.

Umiling si Lexi. Hindi niya pwedeng itaya na pumunta sa lugar kung nasaan si Savannah. Panigurado, iskandlo ang aabutin n'on, at kapag nasali siya, malaking panganib 'yon. Sumuko rin si Savannah. Kahit kapatid ito ni Trace, mas mahalaga pa rin dito ang pagkakaibigan nila, at nakokonsensyia rin itong makitang ganoon ang kaibigan.

Si Lexi ang asawa ng makapangyarihang CEO na si Trace Valdemor, isa sa mga pinakamayaman at pinakamaimpluwensyang lalaki sa Pilipinas na may walanghanggang kayamanan. Ang kasal nila? Isang purong business arrangement lang ng mga pamilya nila. Nung nag labing-walo na siya, napilitan siyang itigil ang pag-aaral niya para lang pakasalan ito.

Nung una, nasasabik pa siyang maging asawa ng isang bilyonaryo. Sobrang bait at maasikaso ni Trace noong una silang pinakilala sa isa't isa, pero nagbago ang lahat pagkatapos ng kasal. Sa unang araw nila, nung akala niya ibibigay na niya ang pagkababae niya sa bago niyang asawa, bigla na lang itong umalis nang walang imik, at wala man lang pasabi.

'Yon ang naging simula ng sobrang boring nilang kasal. Hindi talaga siya kinausap ni Trace, maliban na lang kung tungkol sa isang public event na kailangan niyang dumalo bilang asawa nito. Sa paningin ng buong mundo, sila ang pinakamakapangyarihang mag-asawa, pero sa loob ng higanteng mansion na 'yon, para lang silang mga estranghero.

Ni hindi nga sila nagkikita tuwing umaga, mas lalo na sa gabi. Magkaiba ang oras nila sa pagkain. Bihira rin itong kumain ng hapunan sa bahay at madalas inuuwi na lang nito ang sarili para matulog, at yon na yon.

Si Lexi, gaya ng araw-araw na ginagawa niya, ay bihis na bihis na parang isang tunay na Mrs. Valdemor. Kahit ang bata-bata pa niya, nakasuot siya ng mga pormal na damit na nagpamukha sa kanyang mas matanda. Nakapusod sa isang elegant bun ang kanyang mahaba, dark brown na buhok at naka-light makeup lang. Pale pink ang kulay ng lips niya, at ang mga almond-shaped eyes niya ay walang kabuhay-buhay.

Tiningnan ni Lexi ang kamay niya. Walang engagement ring. Ang rason noon ni Trace, sobrang nagmamadali raw sila kaya hindi ito nagkaroon ng oras na magpagawa ng perfect ring para sa perfect fiancée nito. Pangako pa nito, bibilhan siya pagkatapos ng kasal pero apat na taon na ang nakalipas simula nang sabihin nito 'yon.

Sobra na ang pagka-boring ng married life niya.

Sa loob ng apat na taon, ni dulo ng daliri niya hindi nito hinawakan. Kapag nasa labas sila, halos hindi magtagpo ang mga balat nila. Minsan, naka-angkla lang ang braso niya rito, o kaya naka-akbay si Trace sa baywang niya, pero hindi man lang lumalapat nang buo ang palad nito.

Pakiramdam niya talaga, asawa lang siya sa papel. At dalawampu’t dalawang taon na siya pero hindi pa niya nasubukan ang sarap na hatid ng sex, o ang hawak ng isang lalaking mapapaungol sa kanya magdamag.

Dami na niyang nabasang erotic romance novels, kaya minsan nangangarap siya na maranasan ang mga naranasanan ng mga bida roon. Pero dahil sobrang sikat ng asawa niya, bawat kilos niya binabantayan. Isang mali lang, masisira na siya ng buong mundo. Itatakwil siya ng pamilya niya at iiwan siyang walang-wala, lalo pa't hindi naman siya nagtrabaho para masuportahan ang sarili niya.

Pagka-alis ni Savannah, naiwan na namang mag-isa si Lexi sa malaking mansion. Naglakad siya papunta sa sarili niyang study room, kung saan madalas niyang ubusin ang oras niya.

Naisipan niyang mag-practice magdrawing kaya kinuha niya ang kaniyang sketchbook at ginuhit niya ang mga nasa imahinasyon niya nang biglang tumunog ang cellphone niya. Hindi niya kilala ang sender, kaya medyo nag-alangan pa siyang buksan yon, pero nanaig ang kuryusidad niya.

Pagbukas niya ng email, sunod-sunod na nag-d******d ang mga pictures. At doon, tumambad ang sikat niyang asawa, nakikipag-sex sa iba't ibang babae.

Nag-init ang gilid ng mga mata niya at pumatak ang mga luha, hindi dahil sa lungkot, kundi dahil sa galit. Ang lalaking apat na taon na niyang asawa, na mandiring hawakan siya, ay hayahay na nakikipag-kangkangan kahit kailan nito gusto, habang siya ay natutuyot na sa bahay.

"Walanghiyang hayop," nanggigigil na bulalas niya sabay patay ng cellphone. Napabuntong-hininga siya at pinunasan ang mga luha niya. Binuksan niya ulit ang message, at tiningnang maigi ang bawat picture.

"In fairness, malaki," bulong niya nang ipalaki in niya ang isang picture kung saan nakatambad ang pinagmamalaki na pagkalalaki ng asawa niya. "Teka lang, kung nagagawa niyang mangaliwa, ba't kailangan ko pa maging tapat sa kaniya?"

Binaba niya ang cellphone sa mesa. Tapos, kinuha niya ulit ito, hindi para titigan ang mga pictures ng manloloko niyang asawa, kundi para i-dial ang number ni Savannah.

"Anong oras 'yung party?" tanong niya agad pagkasagot ni Savannah.

Kinakasal siya sa edad na labingwalo sa lalaking nangako sa kanya ng lahat. Sabagay, kung iisipin, nakuha naman niya iyon kung pera ang pag-uusapan. Pero may isang malaki na kulang, ang mabigyan siya ng kasiyhan bilang babae, ang magkaroon ng mapusok na lalaking kaya siyang wasakin sa sarap. At ngayon, pagkatapos ng apat na taon, napag-isip-isip niyang ang asawa niyang si Trace Valdemor, hindi kailanman magiging lalaking bibigyan siya ng kaligayahan.