Chapter 14: Traia has Fallen

Nang mapagalaman kung ano nga ang nangyari sa Traia, kaagad akong nagpaalam na bumaba sa lupa. Hindi ako makapaniwala sa kapabayaan ko.

Oo, nailigtas nga nina Garfiel ang Traia sa balita ngunit hindi ko alam kung ano talaga ang nangyari sa kanila roon. Hindi naman sa wala akong tiwala sa kanila pero ito ang aking misyon. Ang hari ng Nazeru at hari ng mga elfo ang nautos sa akin nito. At kung maaari gugustuhin kong magawa ang kautusang ito sa aking paraan.

Napagalaman ko din na hindi dahil narinig ng mga celestials ang aking dasal at hinaing kaya nila pinaunlakan ang aking pagmamakaawa sa loob ng kuweba. Iyon pala ay dahil lamang sa naramdaman nila ang presensiya ng tinatangi nilang yaman, ang Curtana. Ang huling habilin ng kanilang Arkanghel Michael sa mundong ito.

Ngunit dahil nga sa gulat at pagkabahala sa kung anong nangyari sa nangyaring sagu