Chapter 2

Madaling araw na ngunit dilat pa rin ang mga mata niya. Hindi pa rin siya dalawin ng antok punong- puno kase ng mga bagay- bagay ang utak niya lalo na nang ipaalam ng kanyang ina kani- kanina lang na bukas na ang nakatakdang kasal nila ni Axe Finn. Hindi niya na ganun pala kaseryoso ang mga ito sa bagay na iyon dahil ang akala niya ay tinakot lamang sila ng mga ito.

Isa pa ay panigurado naman niyang hindi matutuloy ang kasal na iyon dahil nasisiguro niyang tututol si Axe Finn doon dahil alam niya sa sarili na hinding- hindi nito gugustuhin ang magpakasal sa kanya o  ni magustuhan man lang siya.

Sa mga salitang binitiwan nito sa kanya kanina ay ramdam na ramdam niya ang poot sa tono ng pananalita nito. Idagdag pa na inakusahan siya nito ng pagiging gold digger at ang pakay niya talaga ay ang mga kayamanan ng pamilya nito na pawang- wala namang katotohanan.

Alam niya naman na masama ang loob nito sa kanyang ina dahil nga naging second wife siya ng ama nito. Kung tutuusin ay wala naman talagang problema dahil matagal ng namayapa ang ina nito at isa pa ay ang tagal na niligawan ng Daddy nito ang kanyang ina. Noong una nga ay ayaw tanggapin ng kanyang ina ang atensiyon na ibinibigay ng Daddy nito lalo pa at kasalukuyan ito noong Vice Mayor ng kanilang lungsod.

Pero dahil nakikita niya na mukhang masaya naman ito ngunit itinatago lamang nito iyon dahil ayaw nitong may masabi siya dahil ang edad naman nila ay hindi na ganun kabata. Ayaw niyang maging hadlang sa kasiyahan ng kanyang ina kaya kinausap niya ito ng masinsinan at sinabi na okay lamang sa kanya na magkaroon itong muli ng bagong pag- ibig.

Nang dahil dito ay nag- pasya ang mga itong agad na magpakasal upang maging legal na din ang relasyon nilang dalawa.

Alam niya na noon pa lamang ay hindi na maganda ang timpla ni Axe Finn sa kanilang mag- ina. Hindi nito matanggap na muling nag- asawa ang Daddy nito, idagdag pa na narinig niyang minsan na nakikipagtalo ito sa Daddy niya dahil baka raw manggagamit lamang silang mag- ina at gusto lamang manghingi ng manghingi ng pera mula sa kanyang Daddy.

Narinig niya ang mga iyon ngunit pinili na lamang niya ang wag sabihin sa kanyang ina dahil alam niya na masasaktan ito, lalo pa at wala naman itong intensiyon na katulad ng sinasabi ni Axe Finn.

Isa pa ay nang matapos ang kasal ay sinabi niya din sa kanyang ina na maiiwan na lamang siya sa luma nilang bahay ngunit hindi pumayag ang kanyang ina dahil wala daw titingin at mag- aasikaso sa kanya. Naiintindihan niya naman ito dahil nga nag- iisa lamang siyang anak at simula bata siya ay alagang- alaga siya ng kanyang ina dahil maaga nga siyang naulila ng kanyang ama.

Kaya alam niya na una pa lamang ay hindi na talaga sila tanggap nito. Hindi niya lang talaga napigilan din ang kanyang sarili na magkaroon ng gusto dito dahil sa taglay nitong kagwapuhan. Bagaman hindi siya nito kinakausap ay hindi naging hadlang iyon upang magkaroon siya ng nararamdaman dito.

Sa labis na pag- iisip ay hindi na niya namalayan pa na nakatulog na pala siya.

-------

Sikat ng araw ang gumising kay Jazz nang umagang iyon. Nasilaw siya sa sinag nito at sa hapdi na dulot nito kaya mabilis siyang nagising at mabilis din kumilos ang mga kamay niya upang takpan ang nakakasilaw na liwanag na tumatama sa kanyang mga mata.

Kinusot- kusot niya ang kanyang mga mata at napahikab pa. Halos katutulog lang niya tapos umaga na pala?

"Bumangon kana d'yan dahil kanina ka pa nila inaantay sa baba." Seryoso at walang ngiti sa labing saad ng kanyang ina nang humarap ito sa kanya. Ito pala ang naghawi ng kurtina upang magising siya. Akala niya ay naiwanan niyang bukas ang kanyang bintana ngunit sa isip- isip niya ay hindi pa naman iyon nangyari na naiwan niyang bukas ang kanyang bintana.

Takot kase siya na baka may pumasok doon at akyatin siya tapos ay magnakaw at higit sa lahat ay ang i- rape siya. Iyon ang labis na kinatatakutan niya kaya lagi siyang nag- iingat.

"Ito ang isuot mo at bilisan mo ang kumilos, nakakahiya sa Tito mo kanina pa sila nakabihis." Sabi nito at tuluyan ng lumabas ng kanyang silid.

Naiwan siyang tulala doon. Akala niya ang panaginip lang ang lahat ngunit totoo pala. Kung pwede lang siyang maglaho nalang sana sa oras na iyon ay hihilingin nalang niyang maglaho.

Napatingin siya sa kulay kahel na dress na nakapatong sa baba ng kanyang kama. Marahil ito ang dala ng kanyang ina kaya ito nagpunta doon. Sa tabi nito ay ang isang kulay puting kahon na kahit hindi pa man niya nakikita kung ano iyon ay nasisiguro na niyang sapatos iyon.

Napabuga siya ng hangin. Ano kayang pumasok sa mga utak ng mga ito bakit nila sineryoso ang bagay na iyon?

Napalingon siya sa kanyang bintana at napaisip. Kung tumalon na lang kaya siya doon upang hindi matuloy ang kasal na iyon?

Ngunit napailing na lang siya sa kanyang naisip. Kung nababaliw na siya ay baka gawin niya iyon. Isa pa ay bata pa sila pareho baka isang pekeng kasal lamang ang mangyari sa araw na iyon.

Mabigat ang katawan niyang bumangon na ng tuluyan mula sa kanyang pagkakahiga at  dumiretso na agad sa kanyang banyo upang maligo. Hindi na siya nag- aksaya pa ng kahit kaunting oras manlang dahil nakakahiya sa kanyang Tito.

Pagkatapos niyang maligo ay mabilis siyang nagbihis. Naglagay lamang siya ng light make - up para naman gumanda siya kahit kaunti man lang. Dahil nga kulot ang kanyang buhok ay ginamitan na lamang niya ng hair dryer upang mabilis na matuyo ay tyaka niya pinusod ng isa lang at pagkatapos ay tinirintas niya ng isa. Nang makuntento siya sa kanyang ayos ay bumaba na siya.

Pagkababa niya ay naabutan njyang nakaupo silang tatlo doon,  ang kanyang Tito ang unang nakapansin sa kanya at pagkatapos ay tumayo ito at nginitian siya.

Ang kanyang mga mata ng oras na iyon ay nakapako kay Axe Finn ngunit kahit pa tumayo na ito ay hindi man lang siya nito tinapunan ng kanyang isang sulyap man lang.

Hindi na lamang niya iyon pinansin at sumunod na sa kanyang ina dahil nauna na ang mga itong maglakad palabas. Walang kumikibo kahit isa sa kanila.