Chapter 13

"Nanlalambot ako, Bhy...ang hapdi ng ano ko...," nangingiwing aray ni Jing-Jing habang nakakapit siyang pisil ang braso ko at naglalakad kami pabalik sa cottage.

"Sorry talaga, Bhy ha...ang sarap mo kasi eh...," sagot kong nagtulak sa kanya para kurutin ulit ng pino ang balat ng kapit niyang braso ko.

"Tuwa ka pa, umaray na nga ko...ni-rape mo ko eh...," pinaghalong asar at inda niya.

"Sorry na nga, ikaw naman nagpasok eh...," panggatong ko pa na nangingiti-ngiti.

Hinampas hampas niya pa ulit ang braso kong nasa panig niya dahil sa sobrang inis sa akin.

"Ako pa sinisi mo, ikaw nga lang nasarapan!,"

"Oh halika, balik tayo dun para ikaw naman masarapan...," pabiro ko muling hayag sa kanya na muling naging hudyat para pagpapaluin niya ako.

"Gusto mo pa umulit, ang sakit-sakit na nga ng ano ko...,"

Masaya ako sa cute niyang reaksyon kahit halos yukod na siya lumakad dahil sa iniinda. Mahal ako ng taong ito na ni hindi niya ako makuhang sampalin. Hanggang kurot at hampas sa braso lang ang iginaganti niya kapag ganitong inis siya.

"Sorry na nga eh..."

"Sorry ka diyan," irap niya.

"Uy...umayos ka ng lakad mo at 'wag ka pahalata sa kanila...alam mo na, mas iisipin nila talaga na may ginawa tayo...," bilin ko sa kanya.

"Bahala ka...," tipong tampuhin pa.

Nang makarating kami sa cottage, agad naming isinilid sa isang reserbang supot ang lahat ng basa naming damit.

Naroon pa rin ang mga kasama namin sa pool ngunit nagkukumpulan na lang sila sa isang bahagi nito. Mukhang seryoso ang kanilang pinag-uusapan.

Nasipat kami ni Eloisa at sumenyas upang kami'y bumaba. Nagsilingon sila sa amin habang sinesenyasan.

"Tawag nila tayo...kaya mo na ba o dito ka muna?,"

"Uy sasama ako...mamaya may manghubad na naman dito sa akin...," takot na banggit ni Jing-Jing na di na rin nagpapahalata sa kinikimkim na hapdi.

Inalalayan ko siya sa pagbaba sa batuhang hagdan patungo sa pool. Ilang hakbang pa bago namin sila malapitan ay nauulinigan ko na ang paksa ng kanilang usapan.

"Nakwento na sa akin ni Jing-Jing ang tungkol sa nangyari sa kwarto n'yo kagabi...," bungad ko nang marinig kong kinukwento na ni Kat ang tungkol rito.

Napansin ko ang tinginan ni Ian at Marissa at ang pagtango ng pinsan ko na para bang isang hudyat.

"Guys, may aaminin ako sa inyo...," hiyang intro ni Marissa.

"Ayoko sanang matakot kayo pero normal na sa aking nangyayari na gabi-gabi may nanghuhubad doon sa bahay...," pag-amin ni Marissa na bumulaga sa lahat.

"Ang kwento sa akin ni Tito Hamin, ilang taon pa lang ang nakakaraan, may isang lahing katutubo raw ang naligaw sa baryo na 'to. Ignorante siya sa maraming bagay. Wala siyang batid sa kahit anong batas kundi ang nakasanayan niya sa kanilang tribo. Isang araw, nakita siyang ginahasa at pinatay ang anak ng Kapitan. Nang malaman ng Kapitan ang sinapit ng dalaga niya, hindi ito tumigil hangga't hindi niya naipaghihiganti ang anak. Nang dahil sa impluwensiya ng Kapitan, at sa galit na rin ng mamamayan sa kumalat na balita, madaling nahuli ang katutubo. Matapos magulpi ng taong bayan, ipinagapos siya ng Kapitan at pinitpit raw ng pino ang ari nito sa pamamagitan ng pagbambo. Namatay yung katutubo dahil sa dami ng pahirap na ginawa sa kanya. Nalagutan raw ito ng hininga sa mismong lupa kung saan nakatirik ang bahay namin ngayon...,"

"Anong kinalaman nito sa nangyari kagabi sa kanila?" blankong pag-iisip ni Brix.

"Mahilig sa babae ang katutubo...nasa bahay pa ang kaluluwa niya. Mabuti at wala na siyang kakayahan na manggahasa kaya ang manghubad na lang ang inuulit-ulit nito sa akin. Hindi ko naman inasahan na gagawin niya rin yun sa inyo...," pangungumpleto ni Marissa.

"OMG, ayoko na matulog dun..," takot ni Kat.

"Oo, ayoko na rin doon...," dugtong ni Carey.

"Huling gabi na natin ngayon dito, bukas bibiyahe na tayo pauwi...," usal ko.

"Eh saan naman tayo matutulog mamaya?," usisa ni Chyna.

"Magsama-sama na lang lahat tayo sa isang kwarto...," suwestyon ni Eloisa.

"NO!," madiing pagtutol ni Ira. "Paano kung magkakasama tayo lahat pero makukuha pa rin niya kaming hubaran? Ano kayong mga lalake? Sinuswerte?," paghihimay ni Ira.

Napatawa ang ilan sa amin.

Kinurot ulit ako ni Jing-Jing sa braso kaya naimpit ang aking pagtawa.

"Eh ano naman yung aninong umiikot doon sa kwarto namin?," pagsingit ni Max.

"Siya rin 'yon. Tinatakot niya ang mga lalake. Ganoon ang ginagawa niya kina Tatay kaya doon na si Tatay nakikitulog kina Tito Hamin...," paglilinaw muli ni Marissa.

"Nakita ko rin 'yon...pero hindi ko na lang siya pinansin...siya rin ang mapapagod manakot..," bahagi ni Pete.

"Kung ayaw n'yo na matulog sa bahay, may suggestion ako...," pagbibigay ideya ni Marissa.

"Sige, ano 'yun?," maagap kong tanong.

"Malapit lang kami sa dalampasigan pero hindi pa kayo nakakapunta don...doon na lang tayo magpalipas ng gabi...," pagbuo ni Marissa ng mungkahi.

"Tama!...Bonfire!," buong siglang sigaw ni Chadie.

"Nice idea!," pagkatuwa ni Ira na may kasamang pagpalakpak.

"Gusto ko rin 'yun...," pagsang-ayon ni Kat.

"Doon na ba tayo didiretso?," tanong ni Emong.

"Madadaanan pa rin natin ang bahay bago makapunta sa dalampasigan...," paglilinaw muli ni Marissa.

"Tama lang 'yun para makakuha pa tayo ng mga panapin at ilang kailangan...," linya ni Ian.

"Ipapasunod ko na lang yung ibang kailangan kina Tatay para hindi tayo gaano magtagal sa pagdaan roon...," pagtanggal alalahanin ni Marissa sa grupo.

"Okey, mukhang buo na ang plano...let's go!," hudyat ko sa kanila.

Halos alas quatro na rin nang hapon ang ayaan at pag-ahon nilang iyon.

Isang oras pa ang lumipas at handa na silang lisanin ang mala-tumok na lugar na iyon.