Chapter 13

Shanra

Napamura ako ng mahina nang magising ako na nasa loob ng ibang kuwarto at hindi na ako magtatanong kung kaninong kuwarto ang kinaroroonan ko dahil naroon si Craig masarap ang tulog habang katabi ako sa higaan. Maingat akong bumaba sa kama para hindi siya magising. Kapag magising siya ay hindi ko alam kung ano ang sasabihin ko sa kanya. Nakahinga ako ng maluwag nang makaalis ako sa ibaba ng kama at hindi siya nagising. Agad kong kinuha ang aking shoulder bag na nakalapag sa maliit na mesa na nasa gilid ng kama pati na rin ang sapatos ko na nasa ibaba ng kama. Maingat ako akong lumabas sa kuwarto para hindi siya magising. Paglabas ko sa kuwarto niya ay saka ko natuklasan na nasa isang condo unit pala kami na malamang ay condo unit ni Craig. Agad kong isinuot ang aking sapatos at nagmamadaling bumaba sa condo. Sumakay na lamang ako ng taxi at nagpahatid sa bar na pinuntahan ko kagabi. Naroon kasi ang kotse ko dahil sa kotse ni Craig ako sumakay.

Mabuti na lamang at may bantay sa p