CHAPTER 23

NALIE ATHALIA...

Nagising s'ya na parang ang gaan ng kan'yang pakiramdam. Dahan-dahan n'yang iminulat ang mga mata at inilibot ang kan'yang tingin para lang mangunot ang noo ng mapagtanto na nasa loob na s'ya ng kan'yang silid.

Ang huli n'yang naalala ay nasa living room s'ya at nakatulog sa ibabaw ni Adrian.

Dahan-dahan s'yang bumangon at naupo muna sa kan'yang kama at pilit na inaalala kung nagising ba s'ya kagabi at lumipat sa kan'yang kwarto.

Ngunit kahit anong kalkal n'ya sa kan'yang isip ay wala talaga s'yang maalala na lumipat s'ya rito sa loob.

"Did he carry me para ilipat dito?" mahinang tanong n'ya sa sarili at agad na nakaramdam ng pag-init ng mukha.

Lihim n'yang nakagat ang kan'yang labi ng maisip na binuhat s'ya ni Adrian para ilipat sa kan'yang kwarto.

Sinipat n'ya ang orasan at nakita n'ya na alas sais na ng umaga. Kaya naman ay nagpasya na s'yang bumaba ng kama at pumasok ng banyo para maligo.

Mabilis lang s'yang naligo at agad ding lumabas. Dumiretso s'ya sa kan'yang