CHAPTER 3

"C-Cynthia," tawag n'ya sa pangalan ng kaibigan. Nginisihan lamang s'ya nito at hindi man lang nahiya na naglakad palapit sa kan'ya na hubot-hubad.

Para itong demonyo sa mga mata n'ya ngayon. Itinuring n'ya itong parang isang kapatid pero nagawa s'yang babuyin ng kaibigan kasama ang asawa n'ya.

"Yes Nalie? Nagulat ka ba?" nang-uuyam na tanong nito sa kan'ya. Dahil sa pagkagulat sa natuklasan ay hindi agad s'ya nakahuma at natulos lamang sa kan'yang kinatatayuan.

"W-What is the meaning of this?" nauutal na tanong n'ya rito ngunit malakas lamang ito na tumawa. Mas lalo pang nanginig ang kan'yang buong katawan at nangatal ang labi dahil sa pinaghalong galit, sakit at poot para sa dalawa.

"Tanga ka talaga kahit kailan Nalie. Can't you see what Lincoln and I doing? Kaya ka ipinagpalit ng asawa mo dahil napakatanga mo!" insulto nito sa kan'ya.

Doon lang s'ya nataohan at bumalik sa kan'yang tamang pag-iisip. Kuyom ang mga kamao na tinapunan n'ya ng tingin ang asawa na wala man lang ginawa kundi ang umupo sa paanan ng kama at naninigarilyo.

Parang wala itong ginawang kasalanan at blangko lamang na nakatingin sa kanilang dalawa ni Cynthia sa pintoan.

"Anong ibig sabihin nito Lincoln?" sigaw n'ya rito ngunit tinaasan lamang s'ya ng kilay ng lalaki at hindi man lang nakitaan ng kahit maliit na pagsisisi sa ginawang panloloko sa kan'ya.

"What do you think Nalie? Talaga bang nagtatanga-tangahan ka lang o tanga ka talaga?" puno ng pang-uuyam na sagot ng asawa sa kan'ya na mas lalo n'ya pang ikinagalit.

"Hayop ka! Mga hayop kayo!" sigaw n'ya rito at agad na pumasok sa loob at nilapitan ang asawa.

Hinarang pa s'ya ni Cynthia ngunit malakas n'ya itong hinawi dahilan para matumba ito sa sahig. Malalaki ang kan'yang mga hakbang na sinugod si Lincoln at hindi man lang alintana ang pagsigaw at paghiyaw sa sakit ni Cynthia.

"Hayop ka Lincoln! Napakababoy mo!" galit na galit na sigaw n'ya rito at sinugod ito ng sampal at suntok.

"Stop it!" malakas na sigaw ng asawa sa kan'ya ngunit hindi s'ya natinag rito at ipinagpatuloy lang ang pagsuntok sa dibdib nito at pagsampal dito na may kasama pang kalmot.

Hinawakan nito ng mahigpit ang kan'yang pulso para patigilin s'ya sa kan'yang pagwawala.

"Hayop ka! Hayop! Ang bababoy n'yong dalawa! Nakakadiri kayo, mga baboy!" pagsisigaw n'ya na may kasamang pagsuntok sa mukha at dibdib ng lalaki ngunit malakas s'ya nitong itinulak dahilan para mapasalampak s'ya sa sahig.

"Get lost Nalie dahil kahit kailan ay isa kang talunan!" nangangalaiti sa galit na sigaw ni Lincoln sa kan'ya at dinuro pa s'ya habang namumula ang mukha sa galit.

Hindi matatawarang sakit ang nararamdaman n'ya ng mga oras na iyon habang nakatingin sa mukha ng lalaki na minsan n'ya ng minahal ng higit pa sa buhay n'ya.

"W-Why Lincoln? Why? Saan ako nagkulang sayo bilang asawa? Bakit nagawa mo sa akin ang ganito? Bakit mo ako niloko?" puno ng sakit na sumbat n'ya sa lalaki ngunit tinaasan lamang s'ya nito ng kilay.

"Seriously Nalie? Tinatanong mo sa akin kung saan ka nagkulang? Bakit hindi mo tanungin ang sarili mo? Lalaki ako Nalie and I have my needs na hindi mo maibigay sa akin dahil busy ka sa putang'ina mong trabaho!" malakas na sigaw nito sa kan'yang pagmumukha.

"Hindi rason yan para lokohin mo ako! Bakit ikaw Lincoln? Hindi ba araw-araw ay busy ka din? May narinig ka bang reklamo sa akin? Nanglalaki ba ako dahil busy ang asawa ko? Niloko ba kita? Hindi! Dahil kahit ganito tayo ay malaki ang respeto ko sa kasal natin at sayo!" galit na galit na sigaw n'ya rito.

"Ginawa kong busy ang sarili ko dahil sayo! Dahil sa kapabayaan mo kaya itinutok ko na lang ang buong atensyon ko sa trabaho para hindi ko maisip ang asawa ko na walang kwenta at walang silbi. But Cynthia gave it to me, she gave me her time, inaalagaan n'ya ako at inaasikaso sa mga oras na sana ang asawa ko ang gumagawa sa akin ng mga ganong bagay dahil asawa ko s'ya pero mas pinili n'ya ang magbabad sa hospital ng mga baliw kaysa asawa n'ya. Kaya minsan ay naisip ko na baka isa ka na din sa mga baliw na katulad ng mga pasyente mo at wala ng pakialam pa sa akin," ganting sigaw ni Lincoln sa kan'ya.

Naiiyak s'yang umiling habang nakatingin rito na nagsasalita.

"Hindi rason yan Lincoln, huwag mong gawing rason sa ka demonyohan mo ang trabaho ko. Ang sabihin mo ay matagal n'yo na akong niloloko,"sigaw n'ya rito sabay tayo at dinuro ang dalawa.

"Pinagmukha n'yo akong tanga lalo ka na Cynthia! Tinrato kita na parang kapatid ko na pero binaboy mo ang pagka asawa ko kay Lincoln. Kaya pala panay ang paninira mo kay Lincoln sa tuwing nababanggit ko s'ya sayo, iyon pala ay mas lalo mong ginagatungan ang inis at sama ng loob ko sa kan'ya para makuha mo s'ya! Napakagaling mong manloloko Cynthia! Napakababoy mo!" galit na galit na sigaw n'ya sa kaibigan na hindi man lang natinag sa kan'yang mga sinabi.

"That is not my fault Nalie! Asawa ka nga ni Lincoln pero wala ka namang silbi. Hindi mo inaasikaso ang asawa mo at mas pinili mo pang kasama ang mga baliw mong pasyente kaysa ibigay ang pangangailangan ng asawa mo," ganting sigaw nito sa kan'ya.

Lihim s'yang napailing dahil sa kakapalan ng mukha nito at ito pa ang may gana na manumbat sa kawalanghiyaan na ginawa nito sa kanilang pagkakaibigan simula pa pagkabata.

"Look at yourself Nalie! You can't blame Lincoln kung naghanap s'ya ng mas sexy, mas fresh tingnan at maalaga na katulad ko. Look at you! Para kang manang palagi sa suot mo at hindi ka man lang marunong mag-ayos ng sarili mo. Ilang beses na kitang pinagsasabihan na magpaganda ka dahil baka isang araw at magigising ka na lang na nasa kandungan na ng iba ang asawa mo pero palagi na lang tawa ang sagot mo sa akin kaya pagdusahan mo ang sinapit mo ngayon, tanga!" pang-iinsulto nito sa kan'ya.

Nandilim ang kan'yang paningin dahil sa sobrang galit kaya naman ay agad n'ya itong nilapitan at hindi nito napaghandaan ang isang malakas na sampal na ibinigay n'ya rito.

"How dare you bitch!" galit na galit na sabi ng dating kaibigan at agad na gumanti sa kan'ya kaya naman ay nagsabunotan silang dalawa sa harapan mismo ni Lincoln.

"Hayop ka Nalie! Kakalbuhin kita!" pagsisigaw ni Cynthia habang pilit na inaabot ang kan'yang buhok para sabunotan.

"Ikaw ang kakalbuhin kong demonyo ka! Napakasama mo at napakalandi. Sa dinami-dami ng lalaki sa mundo ang asawa ko pa talaga ang kinalantari mo," galit din na ganti n'ya rito habang hinihila ang buhok ni Cynthia.

Napahiyaw ito dahil sa sobrang sakit ngunit hindi s'ya nakaramdam ng kahit na kaunting pagsisisi o pagkaawa sa babae.

"Ahhhhhh! Honey help me! Ahhhhh!" pagsisigaw nito habang hawak ang kan'yang kamay na nakasabunot sa buhok nito. Hindi n'ya nakita ang paglapit ni Lincoln sa kan'ya at ang mabilis na pagbaklas nito sa kan'yang kamay na nakahawak sa buhok ni Cynthia.

Nagtagumpay naman ang asawa na mabaklas ang kamay n'ya at akmang sisinghalan n'ya ito ngunit nagulat s'ya at umawang ang kan'yang labi ng malakas s'ya nitong sinampal sa pisngi.

Ito ang kauna-unahang pagkakataon na sinaktan s'ya ni Lincoln pisikal at iyon ay dahil lahat sa kabit nito.

"You don't have the right to hurt her dahil s'ya— s'ya ang gumanap sa mga obligasyon mo na hindi mo nagawa sa akin bilang asawa dahil wala kang silbi!" namumula ang mukha na sigaw sa kan'ya ni Lincoln at dinuro-suro pa s'ya.

Dahil sa gulat ay hindi s'ya nakahuma agad at nakahawak lang sa kan'yang pisngi na nangangatal dahil sa malakas na pagkakasampal ng asawa n'ya.

Parang tinarakan ng matalim na bagay ang kan'yang puso ng maisip na sinaktan s'ya ni Lincoln dahil sa kabit nito.

S'ya ang original pero bakit s'ya pa ang naging kawawa at pinagtulongan ng dalawang mga baboy may kasalanan sa kan'ya.

"I want you to pack your things now and leave my house Nalie! Lumayas ka sa pamamahay ko dahil hindi ka na kabilang pa rito. I will file an annulment as soon as possible and I expect you to cooperate kung ayaw mong mapahiya sa lahat kapag nalaman ng lahat ng tao kung anong klaseng babae ka!" sigaw nito sa pagmumukha n'ya sabay kuha ng roba na nasa paanan ng kama at ibinalot ito sa katawan ni Cynthia at inakay ang babae palabas sa kanilang kwarto.

Walang imik na naglandasan ang masaganang luha sa kan'yang mga mata habang hawak-hawak pa rin ang kan'yang mukha na namamaga dahil sa malakas na pagsampal ni Lincoln sa kan'ya.

Malakas na pagsara ng pinto ang kan'yang sunod na narinig at doon lang s'ya parang nataohan.

Mahina at padausdos s'yang napasalampak sa sahig at napahagulhol ng iyak ng mag sink in sa kan'yang isip ang panloloko ng kan'yang asawa sa kan'ya at ng kabit nito na s'yang matalik n'yang kaibigan.

Ilang oras s'yang nanatili na nakasalampak sa sahig habang umiiyak. Sobrang sakit ng kan'yang nararamdaman ngayon at parang pinapatay s'ya ng paulit-ulit dahil sa sobrang sakit na nararamdaman.

Hindi n'ya lubos maisip na magagawa ni Lincoln ang bagay na ito sa kan'ya. Ni sa hinagap ay hindi pumasok sa kan'yang isip na lolokohin s'ya ng kan'yang asawa dahil ok naman sila sa loob ng limang taon na pagsasama nila.

Hindi man sila madalas na nagkikita sa bahay at madalas ay parehong nasa mga trabaho nila ngunit hindi naman ipinaramdam sa kan'ya ni Lincoln na may problema na pala sila sa kanilang pagsasama.

Siguro ay matagal na s'yang pinagloloko ng mga ito at ito din siguro ang dahilan kung bakit parang balewala lang din kay Lincoln na wala s'yang oras dito dahil yon pala ay may kinakalantari na ito at ang mismong best friend n'ya pa.

Kahit masakit ang lahat ay pinilit n'ya pa rin ang sarili na tumayo. Muntik pa s'yang matumba dahil sa biglaan n'yang pagtayo. Mabuti na lang at nasa paanan s'ya ng kama at mabilis na nakahawak rito.

Wala sa sariling napatingin s'ya sa kama nila ni Lincoln at agad na naglandasan ang kan'yang mga luha ng maalala ang nakitang pagniniig ng asawa at ng kabit nito kanina sa mismong kama nilang mag-asawa.

"Ahhhhhhhh!" malakas na sigaw n'ya at napahagulhol ng iyak habang sapo ang kan'yang dibdib na naninikip.

Walang katumbas na sakit ang pinaranas ni Lincoln sa kan'ya at sa pagsasama nila bilang mag-asawa.