Kabanata 28

C28 HH

“P-po?”

“Nabinat siya Jell at hindi namin alam ni Tony. Huli na naming nalaman ng dinala siya sa hospital, pero wala na siyang buhay,” agad kong niyakap si Manang Fely dahil hindi ko mapigilang maawa sa kanya. Hinahagod ko rin ang kanyang likod dahil sa kanyang pag-iyak.

“Nasaan na po ang anak niya Manang?” 

“Wala na rin Jell, ilang araw ang lumipas at nawala rin ang apo namin,” hindi ko mapigilang napaiyak dahil sa narinig ko kay Manang nakaka-awa ang anak at apo niya, kaya siguro ako tinulungan ni Manong Tony dahil siguro naalala nila sa akin ang anak nila.

“’Wag na po kayong mag-alala Manang siguro po masaya na siya ngayon dahil kasama niya po ang anak