Chapter 34 (Part 2)

Chapter 34 (Part 2)

Gulat na nagsilabasan ang kapatid at magulang niya dahil sa malakas na pagtunog ng kotse ni Nexus nang banggain niya ang likuran niyon.

Muli niyang inatras ang kotse at pinasibad na naman. Sa pagkakataong iyon, papunta na sa mismong kinatatayuan ni Nexus ang takbo. Sabay na napasigaw sina Ara at Neshara nang muntik na niyang masagasaan si Nexus kung hindi lang ito agad naka-iwas at nagpagulong-gulong sa daan.

“Amara Stepahanie!” pasigaw na saway sa kanya ng ina.

Magkasalubong ang mga kilay na ibinaba niya ang bintana ng kotse.

“Alisin mo ang sasakyan mo, Alemeradez o dudurugin ko ‘yan.”

“Dyosko po. Bibig mo, Estepanya!”

Hindi niya pinansin ang ina niya na tuluyan ng lumabas ng bahay at nilapitan si Nexus na nakahandusay pa rin sa daan habang nanlalaki ang mga matang nakatingin sa kanya.

Ano? Gulat ito na kaya niya itong sagasaan?

Tinulungan ni Ara ang lalaking ma