Chapter 5

BTRFR 5

3RD POV

Kahit nahihirapan si Amy na makipagsabayan sa mga kaklase niya, lalo na at malaki na ang kanyang t'yan ay ginawa niya pa rin ang lahat, para magtagumapay. Ayaw niyang pagsisihan ni Dominic ang pagpapa-aral nito sa kanya. 

"Tita Amy, ayos ayos ka lang ba?" Tanong sa kanya ni Nico, haabng tumango siya rito. 

"Kung nahihirapan ka, magpahinga ka muna, 'wag mo nang pagurin pa ang sarili mo, baka kasi nakalimutan mo na may baby ka sa t'yan." Malawak siyang napangiti, dahil sa sinabi nito sa kanya. Hindi niya rin mapigilan na humanga rito, dahil hindi lang ito gwapo at matalino, mabait pa katulad sa ina nito. 

"Ito po pala ang gatas niyo, inumin n'yo muna 'to." Napatingin siya rito, habang inabot dito ang gatas na binibigay nito. 

"Salamat Nico." 

"Walang anuman Tita, basta kapag may kailangan ka tawagin mo lang ako sa silid ko." Ngiting wika nito, habang tumango siya rito. 

Nang maka-alis si Nico, ay muli niyang pinag-aralan ang kanyang hawak na libro. 

KINABUKASAN ay mabilis siyang napa-bangon habang napahawak sa kanyang t’yan. Agad niya ring tinawag ang katulong, dahil hindi niya matiis ang sakit na nararamdaman niya. 

"Manang!!" Muling tawag niya. Nang bumukas ang pinto ay gulat siyang napatingin kay Nico, habang bakas sa mukha nito ang pagka-taranta. 

"Ano pong nangyari sa 'yo Tita?" Tanong nito, matapos siya nitong lapitan. 

"Nasa'n si Manang?" Tanong niya habang muling namimilipit sa sakit. 

"Umalis siya, ang sabi niya pupunta siya sa mart." Sagot nito, habang napahawak siya sa kanyang t'yan.

"Masakit po ba ang t'yan niyo? Manganganak na po ba kayo?" Namilog ang mga mata ni Amy, dahil sa tanong sa kanya ni Nico, dahil kahit siya ay naguguluhan din. 

"Dalhin na po kita sa hospital Tita, baka po kasi rito kayo makaka-anak." Wika sa kanya ni Nico, habang dali-dali siya nitong inalalayan patayo. 

Nang maka-tayo ay agad nitong tinawag ang mga tauhan nila, para buhatin siya, dahil sa laki niya ay hindi siya nito kayang buhatin. 

"Nico, pwede bang tawagan mo ang mommy mo, dahil natatakot ako." Iyak na wika niya, habang mabilis itong tumango. 

"'Wag kayong mag-alala Tita, tatawagan ko po sila, ang kailangan po muna nating gawin ngayon ay madala po kayo sa hospital." Wika nito, habang hinawakan niya ang kamay ni Nico. 

"'Wag mo akong iwan Nico, natatakot ako." Muli niyang wika habang mas hinigpitan pa ang paghawak sa kamay ni Nico. 

****

"Sir Nico, nasa'n na si Amy?" Tanong ng katulong sa kanya. 

"Nasa loob na po siya ng emergency room Manang, pero si Mommy at Daddy, hindi sila makakapunta rito, dahil buntis din si Mommy, at ang sabi ni Daddy ay maselan ang pagbubuntis niya, ganun din po si Tita Margie." magalang na sagot nito sa katulong. 

"Hindi ko tuloy mapigilan na mag-alala, dahil baka anong mangyari kay Tita Amy, kapag nalaman niyang wala si Mommy rito." Lumapit ang katulong sa kanya at hinawakan ang kamay nito. 

"Walang masamang mangyayari sa tita Amy mo Sir Nico, hangga't nandito tayo kasama niya, dahil hindi natin siya pababayaan." Wika ng katulong habang yumakap dito si Nico. Kanina pa kasi ito takot na takot at pilit lang nitong pinakalma ang sarili nito, para hindi matakot si Amy. 

NANG bumukas ang pinto ng emergency room, ay agad na nilapitan ni Nico ang doctor na lumabas. 

"Doc, kumusta na po ang Tita ko?" Tanong niya, habang malawak na ngumiti sa kanya ang doctor. 

"Nanganak na siya, at isang batang lalaki ang anak niya." Sagot ng doctor, habang hindi napigilan ni Nico ang mapatalon sa tuwa. 

"Nasa'n po siya, pwede po ba namin siyang makita?" Tanong niya sa doctor, habang umiling ang doctor sa kanya. 

"Sa private room na po kayo maghintay Sir, dadalhin nalang po namin ang baby at ang mommy." Wika ng nurse, kaya tumango siya. Excited niya naman na tinawagan ang kanyang ina at ama, dahil gusto niyang ibalita sa kanila na nanganak na si Amy. 

"Totoo ba Anak?" Wika ni Carla sa kabilang linya, tumango naman si Nico, kahit na alam niya na hindi ito nakikita ng kanyang ina. 

"Son, ikaw na muna ang bahala sa tita mo, dahil alam mong bawal ang mommy mong pumunta r'yan." wika sa kanya ng daddy Dominic niya. 

"'Wag po kayong mag-alala Dad, ako na po ang bahala sa kanila lalo na po sa kapatid ko," sagot niya rito. Noon pa man ay lagi ng sinasabi sa kanya ng kanyang ina na ang batang pinagbubuntis ng tita Amy niya ay kapatid niya, ganun din sa kanyang tita Margie, at kahit naguguluhan ay hindi na siya nagtanong pa sa kanyang ina at tinatanggap niya sila bilang kanyang mga kapatid, kahit pa nasa t'yan pa ito ng kanilang mga ina. 

Nang makita niya ang sanggol ay labis ang tuwa na kanyang nararamdaman. Tinawag niya rin ang katulong para buhatin ang sanggol, dahil natatakot pa siyang buhatin ito. 

"Manang, bakit ayaw niyang gumising?" Tanong niya sa katulong, habang malawak itong napangiti sa kanya. 

"Kasi baby pa siya Sir Nico, kaya mas gusto lang niya ang matulog." Sagot nito habang napatango siya rito. 

"Bakit po ayaw ng daddy niya sa kanya?" Muli niyang tanong, habang bakas sa mukha ng katulong ang gulat na tumingin sa kanya. 

"Dahil masamang tao ang kanyang ama." Napaa-kunot ang noo ni Nico, dahil sa narinig niya mula sa katulong.

"Ganun ba? Nakakulong na po ba siya Manang?" Inosente na tanong nito, habang napangiti rito ang katulong. 

"Hindi ko alam Sir Nico, dahil hindi ko pa siya nakita," sagot nito. 

Nang marinig niya ang tunog ng kanyang phone ay sasagutin na sana niya ito. Pero natigilan siya ng makita ang isang nurse na pumasok. 

"Sir, pwede ko bang makuha ang pangalan ng baby?" Tanong nito, habang napatingin siya sa tita Amy niya na mahimbing pa rin na natutulog. 

"Hindi ko alam kung ano ang pangalan niya. Pwede bang mamaya mo nalang kunin?" Wika niya, habang mabilis na umiling ang nurse. 

"Neal." Sambit niya, habang napatingin sa sanggol at malawak na ngumiti. 

Nang lumabas ang nurse, ay tinawagan niya ang tumawag sa kanya at nakita niyang ang tita Margie niya ito. 

"Tita." Sambit niya, matapos sagutin ang tawag. 

"Anak, bakit ngayon mo lang sinagot ang tawag ko? Inubos mo tuloy ang load ko." Napa-kunot ang kanyang noo, dahil sa narinig niya, dahil hindi niya nasagot ang tawag nito kanina. 

Narinig niya naman na nakipagtalo ito sa tito Liam niya, kaya hindi niya maiwasan na mapangiti. 

"Sagutin mo na ang tanong ko Nico," muling wika ni Margie sa kabilang linya. 

"Kausap ko lang po ang nurse kanina Tita, binigyan ko ng pangalan ang baby."

"Ano? Ikaw ang nagbigay ng pangalan?!" Tanong nito sa sumisigaw na boses, kaya inilayo niya ang phone niya sa kanyang tainga. 

"Opo Tita, bakit po?" kabado na tanong niya, dahil baka bigla nalang itong magagalit. 

"Magaling ang ginawa mo Nico, anak proud ako sa 'yo." Wika nito sa kabilang linya, habang hindi niya maiwasan na magtaka, dahil ang akala niya kanina ay pagalitan siya.