Chapter 51

Storm POV

Dalawang araw na ang lumipas simula ng hindi na ako makatanggap ng tawag galing sa kapatid ko, marahil ay naging busy na siya sa botigue kaya gano'n. Kasalukuyang nasa bahay pa ako dahil maaga pa naman at mamaya pa ako papasok.

Habang nasa pool area ako ay lumapit sa akin ni Nay Ana. "Iho hinahanap ka ni Nigel." saad niya sa akin.

"Pakisabi na lang sa kanya Nay na pumunta na lang dito." anas ko at saka tumango naman ito at naglakad pabalik sa loob.

Mayamaya pa ay narinig ko ang mga yapak. "Nakabalik ka na pala." panimula ko.

"Kahapon pa ako nakauwi, napagod lang siya byahe kaya nagpahinga muna ako. Nagpunta lang ako dito para itanong kung nandito ba si Kiara?"

Kunot noo ko naman siyang tiningnan. "Hindi ba at nasa condo mo ang kapatid ko?" saad ko.

"Wala siya do'n Storm! Umuwi ako sa bahay kahapon at pagkatapos ay dumiretso ako sa condo ko at hindi ko siya naabutan do'n ang buong akala ko ay umuwi na siya dito. Ilang beses ko na siyang tinawagan pero hindi sumasagot! H