Special Chapter 21

Hindi ako tinigilan ni Ruce. Araw-araw palagi ko siyang nakikita pagpasok at paglabas ko ng pinagtatrabahuhan. Nakakasawa na sa totoo lang. Mas lalo lang akong naiinis sa kaniya.

"Ma'am, pansin ko lang po. Laging nakatambay 'yang si sir d'yan. Kilala mo po?" nilingon ko ang direksyon na tinitingnan ni kuya Esco at nakita ko si Ruce na nakatitig sa phone niya habang nakasandal sa kaniyang kotse. Nang mag-angat siya ng tingin ay nagtama ang mga mata namin kaya napaayos siya ng tayo. Agad naman akong umiwas at nagsimula nang isulat ang pangalan ko sa log book.

"Hindi po. Baka mayroon lang siyang hinihintay." pagmamaang ko at inayos na ang pagkakasakbat ng bag bago nagpaalam kay kuya Esco at nagsimula nang maglakad.

Napansin kong balak niya sana akong lapitan nang mas binilisan ko ang paglalakad patungo sa kotse ko. Kaagad kong kinuha ang susi mula sa aking bag at nagmadali nang buksan ang pinto at sumakay. Hindi na ako naglingon-lingon pa, mabilis kong pinaandar ang kotse ko at lumayo ro