33 (Unedited)

"Wala pa ba siya, Ate?"

Napabaling ako sa kapatid kong kabababa palang ng hagdan. Humalukipkip siya at mapang-asar na ngumisi.

"Baka nagbago ang isip niya, Ate. Baka na-realize niyang hindi ka naman niya talaga gusto."

Sinimangutan ko siya kahit iyon din ang iniisip ko kanina pa, "Tumigil ka!"

Natatawa lang siyang tinalikuran ako patungo sa kusina.

Paano nga kaya kung ganun? Paano kung nagbago ang isip niya at hindi na-realize niyang hindi naman talaga niya ako gusto?

Naputol lang ang pag-iisip ko nang maramdaman ko ang pag-vibrate ng cellphone ko. Nakita kong may message na dumating galing sa kanya, kaya kaagad ko itong binasa.

ang mensahe niya.

Gusto kong mailing. Kanina pa niya sinasabing kinakabahan siyang pumunta rito sa bahay. Pero makailang beses ko rin bang sasabihin sa kanyang wala dapat siyang ikakaba dahil tanggap at gusto siya ng pamilya ko?