Chapter 32

"Pinapatawag tayo ni headmaster," sabi ni Levi pagkatapos basahin ang natanggap na mensahe sa kanyang ama.

"Paano si Zaira?" tanong ni Rhys sabay tingin kay Zaira.

"Okay lang ako. Pupunta na lang muna ako sa library," sambit ni Zaira dahil ayaw niyang maabala pa sila.

"Sigurado ka?"

Tumango si Zaira saka ngumiti bilang tugon kay Rhys.

"Pahiram ng phone mo," sabi ni Levi kay Zaira.

Kinuha ni Zaira ang cellphone niya sa bulsa saka ito binuksan bago binigay kay Levi.

Nilagay ni Levi ang numero niya sa contact saka binigay kay Alyza ang cellphone.

"Lagay niyo number niyo," aniya kaya pinagpasapasahan nila ang cellphone ni Zaira bago ito maibalik sa kanya.

"Tawagan mo kami kung may problema o kailangan mo ng tulong," sabi ni Levi.

"Salamat," tugon ni Zaira.

Naghiwalay na sila ng direksyon. Pagkadating ni Zaira sa library naghanap agad siya ng librong babasahin.

"Gusto mo ikuwento ko na lang yan sayo?" sabi ni Zeque sabay sulpot sa harapan ni Zaira.

Nakaupo ito sa bakanteng upuan sa harap n