Chapter 39

"Mabuti naman at nakita mo ang ID namin," natatawa kong usal. Kapagkuwa'y inabot kay Gee ang fake Identification Card na hindi ko alam kung paano niya ginawa sa limitadong oras lamang. May lahing alien yata itong kaibigan ko. 

"You are always welcome po," bahagya siyang yumuko. 

Agad naming binigay sa mga pulis ang ID. I, as Alga Silvia, and Fergus as Bernardino Tobias Silvia, Berto for short. 

Bakit magkapareho kami ng apelyido?

"Mag asawa kayo?" kuryusong tanong ng mga ito. 

"Mag-asawa?" mabilis akong napalingon kay Gee. 

"Yes, we are," pasimpleng hinawakan ni Fergus ang kamay ko, sa pagtataka ay hindi na nakaalma pa nang pasimpleng niyang isuot ang isang singsing sa daliri. He was also wearing the same ring. Pakiwari ko'y inabot ito ni Gee sa kanya.

Grabe, pati ang ganitong pakana ay naisip niya pa.