Chapter 15

Ava Sofia's POV

Nang makita ako ni Jacques at dinala niya ako sa unit niya para malaman kong buntis ako, doon na rin ako nakatulog. Nung umuwi ako ng maaga ay napagalitan pa ako ni Tatay. Naiyak na lang ako sa kanya no'n. Hindi ko alam kung sasabihin ko na ba. Ginugol ko na lang ang mga oras ko sa kakatrabaho pero habang lumalaki ang tiyan ko ay unti-unti akong natatakot.

Sa pangatlong buwan ay naglakas loob na ako na sabihin kay Tatay. Nagalit siya sa akin syempre, pero nang malaman niya 'yung nagawa sa akin ni Dominic ay sinabi niyang ayos lang kung walang Dominic basta kasama ko siya ay magiging okay ang lahat. Mahirap. Lalo na nung nalaman ni Nanay. Grabe ang sermon at lait ang natanggap ko sa kanya.

"Hindi ka na nga nakapagtapos, buntis ka pa! Ano na lang ang sasabihin nila? Na malandi ka at kung kani-kanino ka nagpa—"

"Jessa! Ano ba?! Anak ko iyang pinagsasalitaan mo nang masama!"

"Bakit? Totoo naman ha! Ano, nasaan ang am